डडेल्धुरा । सुदूरपश्चिम प्रदेशका पालिकालाई राम्रा कामको प्रचार गर्न सिकाइएको छ । प्रदेशको मुख्यमन्त्री तथा मन्त्रिपरिषदको कार्यालय, प्रदेश अनुसन्धान तथा प्रशिक्षण प्रतिष्ठानको कार्यालयले राम्रा कामको प्रचार प्रसार गर्न सिकाइएको हो ।

देश संघीय संरचनामा गएपछि बनेका स्थानीय तह पालिकाहरुले ९ वर्षसम्म गरेका राम्रा काम र असल अभ्यासहरुको प्रचारले आगामी वर्षमा मार्गदर्शन गर्नुका साथै कोरिएको खाकामा नयाँ आउने जनप्रतिनिधिहरुलाई काम गर्न सहज हुने भन्दै राम्रा कामको प्रचार प्रसार गर्न सिकाइएको प्रतिष्ठानका कार्यकारी निर्देशक ज्ञानेन्द्र बमले बताए ।

डडेल्धुरामा २ दिने स्थानीय सरकारका असल अभ्यास, सिकाई तथा अनुभव आदान प्रदान अन्तरक्रिया कार्यक्रममा उनले सिकाइ तथा अनुभवलाई आपसमा बाड्दै आउने उत्तराधिकारीहरुलाई सहज हुने बताए । पछिल्ला ९ वर्षमा पालिकाहरुले राम्रो अभ्यास गरिहेका छन् । उनले भने, ‘तर केही भएको छैन भन्ने भाष्य निर्माण भएको छ । आईटीको दुनियाँमा सुचना प्रबिधिको प्रयोग गरी पालिकाहरुले गरेका कामको प्रचार प्रसार गर्न आवश्यक छ । यसले अत्तराधिकारीलाई काम गर्न सहज बनाउँछ ।

विगतका वर्षमा प्रतिष्ठानले गाउँपालिका महासंघ, नगरपालिका संघसँग मिलेर थुप्रै काम गरेको भए पनि यो वर्ष जनप्रतिनिधिहरुको अन्तिम वर्ष भएकाले प्रचार प्रसार गर्न सिकाइरहको उनले जानकारी दिए । अन्तिम वर्षमा गरेका कामको प्रतिफल नदेखिने भएकाले चार वर्षसम्म गरेका कामको प्रचार प्रसार गर्ने वर्षका रुपमा लिनुपर्ने उनको भनाइ छ ।

ठूला अन्तराष्ट्रिय संस्थाहरु वल्र्ड बैंक, युएन, डब्लुएचओले पनि आफ्नो अन्तिम वर्षमा प्रतिवेदन बनाउने, रिपोटिङ गर्ने, पहिले र काम गरिसकेपछिको अवस्थाको भिडियो बनाउने कार्य गर्ने भएकाले पालिकाहरुले पनि चुनावको अन्तिम वर्षलाई यसरी नै लिनुपर्ने उनको भनाई थियो ।

प्रतिष्ठानले पाँच वर्ष अघिको अवस्थासँग तुलाना गर्दा स्थानीय जीवनस्तर, जनप्रतिनिधिहरुको बोलीचाली, सामाजिक, आर्थिक, भौतिक रुपमा भएको प्रगति’boutमा गरेको अध्ययनले ६० प्रतिशत नतिजा सकरात्मक पाइएको उनले जानकारी दिए । पालिकाहरुले पनि आफूले गरेका कामको यसरी अध्ययन गरी प्रचार गर्नुपर्ने उनले बताए ।

गाउँपालिका महासंघ सुदूरपश्चिमका कार्यकारी निर्देशक राजेन्द्र प्याकुरेलले जनप्रतिनिधिको पाँचौ वर्ष फिनिसिङको वर्ष भएको भन्दै चौथो वर्ष प्रचार प्रसारको वर्षका रुपमा लिइएको बताए । विगतका ९ वर्षमा गरिएका कामको प्रचार प्रसार गर्न नसकिदा जस पाउन नसकेको भन्दै उनले असल अभ्यासहरु सिस्टममा अपडेड गरिए पनि प्रचार प्रसार गर्न आवश्यक रहेको जिकिर गरे ।

अन्तरक्रिया कार्यक्रममा सुदूरपश्चिम प्रदेशका ९ वटै जिल्लामध्ये पाँच वटा नगरपालिका र १७ वटा गाउँपालिका प्रमुख, अध्यक्ष, उपाध्यक्ष, प्रमुख प्रशासकीय अधिकृतलगायत प्रतिनिधिहरु उपस्थिति थियो । पालिकाका प्रमुख प्रशासकीय अधिकृतहरुले आफ्नो पालिकाले गरेका असल अभ्यासको प्रस्तुतिकरण गरेका थिए ।

सम्बन्धित समाचार

लम्की–टीकापुर–खक्रौला सडक समयमै सम्पन्न नहुँदा सास्ती एकीकृत फोहरमैला व्यवस्थापन केन्द्र सञ्चालनमा चैतन्य पाठशालाले कक्षा ११ मा ४५ जनालाई पूर्ण छात्रवृत्ति दिने एसईईमा सन्तोषजनक नतिजा नआएपछि २ छात्राद्वारा देहत्याग फेसबुकमा स्टाटस लेखेका दार्चुला सम्पाल माविका प्रधानाध्यापक धामी विद्यालयमै मृत फेला डडेल्धुराबाट सुतेर काठमाडौं जान मिल्ने एसी सोफा बस संचालन सीमा बिबादलाई लिएर दुई जिल्लाका बासिन्दाबीच झडप, एक जना प्रहरीसहित पाँच जना घाइते रानीसैन संरक्षणका लागि संघीय सरकारलाई मेयर हमालको आग्रह