काठमाडौं । जिल्ला समन्वय समिति महासंघको छैठौं राष्ट्रिय परिषद्को बैठकबाट नयाँ केन्द्रीय कार्यसमिति निर्वाचित भएको छ । काठमाडौंमा सम्पन्न परिषद्ले आइतबार नयाँ नेतृत्व चयन भएको जानकारी दिएको हो ।

जिल्ला विकास समिति महासंघको रुपमा २०५२ सालमा स्थापना भएको संस्थाले संघीयताको सबलीकरणका लागि राज्य पुनर्संरचना, संघीयता तथा संविधान संशोधनलगायतका विषयमा महत्वपूर्ण छलफलसमेत गरेको महासंघले जनाएको छ ।

केन्द्रीय समितिको अध्यक्ष पदमा जिल्ला समन्वय समिति ललितपुरका प्रमुख ऋषिदेव फुयाँल निर्विरोध निर्वाचित भएका छन् । यस्तै, वरिष्ठ उपाध्यक्षमा काभ्रे जिल्ला समन्वय समितिका प्रमुख दीपक गौतम निर्वाचित भएका छन् ।

यस्तै उपाध्यक्षमा लीलाधर पौडेल, महासचिवमा अशोककुमार घिमिरे, उपमहासचिवमा राजेन्द्रविक्रम सिंह ठकुरी, कोषाध्यक्ष श्यामकुमार रोकाया चयन भएको निर्वाचन समितिका संयोजक नवराज गेलालले जानकारी दिए । परिषद्ले ३५ सदस्यीय कार्यसमिति चयन गरेको गेलालले जानकारी दिए ।

नेपालको संविधान २०७२ ले संघीयताको प्रभावकारी कार्यान्वयनका लागि स्थानीय तहलाई दिएको अधिकारको सहजीकरणका लागि जिल्ला समन्वय समितिको व्यवस्था गरिएको भए पनि पर्याप्त अधिकार नहुँदा असहज भएको नवनिर्वाचित अध्यक्ष फुयाँलले बताए ।

जिल्ला समन्वय समितिलाई दिइएको अधिकारलाई अझ प्रभावकारी बनाउँदै संघीयता कार्यान्वयनमा अझ प्रभावकारी परिणाम ल्याउन जिल्ला समन्वय समितिहरुको भूमिका बढाउन आवश्यक भएको फुयाँलले बताए ।

सम्बन्धित समाचार

शान्ति सेना दिवसमा नेपाली सेनाको विशेष कार्यक्रम भक्तपुरको विद्यालयमा भीषण आगलागी, दुई तला क्षतिग्रस्त आदर्श आजाद माविको ६७ औं र कलेजको १८ औं वार्षिकोत्सव सम्पन्न निर्वाचन पर्यवेक्षण प्रतिवेदन अनावरण भुटानी शरणार्थी प्रकरणसँग जोडिएको मुद्दामा अन्तिम सुनुवाइ सुरु व्यापारी रामहरि श्रेष्ठको हत्या अभियुक्त गोविन्दबहादुरलाई १० वर्ष कैद सजाय परराष्ट्रमन्त्री खनाल शनिबार भारत भ्रमणमा जाँदै विदेशबाट आउने र जाने यात्रुलाई भन्सारमा नयाँ सुविधा