काठमाडौं । फिफा विश्वकप गोल, अंक र तालिकाको खेलमात्रै पनि होइन । यो दबाबमा चरित्र देखाउने, सानो गल्तीको ठूलो मूल्य चुकाउने र एउटा सही क्षण इतिहासमा बदल्ने प्रतियोगितासमेत हो । समूह चरणका खेलले धेरैपटक प्रमाणित गरेका छन् कि ‘ठूला नाम भएका टोली सधैं सहजरूपमा अगाडि बढ्दैनन् ।’ कठिन परिस्थितिमा पनि ‘आफूलाई कसरी सम्हाल्छन् ?’ भन्ने उनीहरू वास्तविक स्तर देखाउँछन् । ‘विश्वकप २०२६’का पछिल्ला चार महइभ्वपूर्ण खेलले पनि यही यथार्थ देखाए । कतै अनुभवले युवा ऊर्जालाई पराजित ग¥यो, कतै ठूला टोलीले आफ्नो क्षमता देखायो, कतै प्रतिभाले भरिएको टोलीले अवसर पाए पनि निर्णायक प्रहार गर्न सकेन भने कतै धैर्य र रणनीतिले तीन अंक निकाल्यो ।

पोर्चुगलले उज्वेकिस्तानमाथि ५–० को प्रभावशाली जित निकाल्दै आफ्नो दाबेदारी प्रस्तुत ग¥यो । इंग्ल्यान्ड र घानाबीचको गोलरहित बराबरीले प्रतिभालाई परिणाममा बदल्ने चुनौतीले इंग्ल्यान्डको पुरानो समस्या फेरि उजागर ग¥यो । क्रोएसियाले पानामाविरुद्ध न्यूनतम जित निकाल्दै ठूलो प्रतियोगितामा अनुभवको महइभ्व देखायो ।

उता, कोलम्बियाले कंगोविरुद्ध धैर्य, नियन्त्रण र सही समयमा गरिएको प्रहारमार्फत आफ्नो परिपक्वता प्रमाणित ग¥यो । बुधबार सम्पन्न यी खेल समूह चरणका सामान्य परिणाममात्रै होइनन् । यी टोलीको मानसिकता, रणनीति, कमजोरी र सम्भावित ‘नकआउट’ यात्राको संकेत बनेका छन् ।

इंग्ल्यान्ड ०–० घाना
प्रतिभा धेरै, तर निर्णायक क्षण खोजी
इंग्ल्यान्ड हरेक प्रतियोगितामा अपेक्षाको बोझ बोकेर मैदान उत्रिन्छ । टोलीमा विश्वस्तरीय खेलाडी छन्, बेन्चमा पनि गुणस्तर छ र समर्थकबाट ठूलो आशा हुन्छ । तर, घानाविरुद्धको खेलले महइभ्वपूर्ण प्रश्न उठाएको छ । इंग्ल्यान्डसँग पर्याप्त प्रतिभा भएर पनि त्यसलाई जितमा बदल्ने धार अझै अपूरो दे खिएको छ ।

खेलमा इंग्ल्यान्डले धेरै समय बल नियन्त्रण ग¥यो । उसले आक्रमण निर्माण ग¥यो, पास संख्या बढायो र विपक्षी क्षेत्रमा धेरै समय बितायो । तर, फुटबलको वास्तविक परीक्षा अन्तिम ३० मिटरमा हुन्छ, जहाँ निर्णय, सिर्जनशीलता र गोल गर्ने क्षमता आवश्यक हुन्छ । इंग्ल्यान्ड यही क्षेत्रमा संघर्ष गरिरहेको देखियो ।

घानाले भने आफ्नो रणनीति स्पष्ट राख्यो । उसले इंग्ल्यान्डलाई बल चलाउन दियो, तर खतरनाक क्षेत्रमा सहज प्रवेश गर्न दिएन । डिफेन्सिभ संरचना बलियो राख्दै उसले इंग्ल्यान्डका मुख्य आक्रमणकारी खेलाडीलाई प्रभावहीन बनाउने प्रयास ग¥यो ।

इंग्ल्यान्ड धेरैपटक बाहिरी क्षेत्रबाट आक्रमण गर्न बाध्य भयो । केन्द्र भागमा ठाउँ नपाउँदा उसको खेल अनुमान गर्न सजिलो बन्यो । घानाको प्रदर्शन भने रणनीतिकरूपमा प्रशंसनीय रह्यो । ठूलो टोलीविरुद्ध डराएरमात्र रक्षा गरेन, अवसर पाएपछि छिटो आक्रमण गर्ने प्रयास पनि ग¥यो ।

यो बराबरी घानाका लागि आत्मविश्वास बढाउने परिणाम हो । तर, इंग्ल्यान्डका लागि यो चुनौतीपूर्ण बनेको छ । विश्वकप ‘नकआउट’ चरणमा यस्तै खेलमा एक गोलले पूरै यात्रा परिवर्तन गर्न सक्छ ।

उत्कृष्ट खेलाडीको दौड : रोनाल्डो अगाडि, तर चुनौती धेरै
यी चार खेलपछि सबैभन्दा ठूलो चर्चा क्रिस्टियानो रोनाल्डोको रह्यो । दुई गोल, नेतृत्व र विश्वकपको इतिहाससँग जोडिएको उनको यात्रा अझै पनि विश्व फुटबलको ठूलो कथा हो । तर अन्य खेलाडीले पनि आफ्नो प्रभाव छोडे । क्रोएसियाका एन्टे बुडिमिरले अवसरको महइभ्व देखाए । कोलम्बियाका डेनियल मुनो जले निर्णायक समयमा जिम्मेवारी लिए । घानाका खेलाडीले संगठनात्मक रक्षा कसरी गर्ने भन्ने उदाहरण दिए । विश्वकपमा उत्कृष्ट खेलाडी धेरै गोल गर्ने होइन, टोलीलाई कठिन क्षणमा माथि उठाउने खेलाडी हुन्छ ।

निराश रोनाल्डोको मुहारमा चमक
पोर्चुगलको खेलअघि सबैभन्दा ठूलो प्रश्न एउटै थियो, ‘उमेर बढ्दै गए पनि क्रिस्टियानो रोनाल्डोले विश्वकपको सबैभन्दा ठूलो मञ्चमा आफ्नो प्रभाव कायम राख्न सक्लान् ?’ तर, खेल सकिँदा उत्तर गोलमै मात्र होइन, उनको सम्पूर्ण उपस्थितिमा देखियो ।

रोनाल्डोले दुई गोल गरे पनि उनको योगदान स्कोरबोर्डमा देखिएको दुई गोलभन्दा धेरै ठूलो थियो । उनी मैदानमा हुँदा विपक्षी डिफेन्सले लगातार उनको चाल, स्थान र अवसर सिर्जना गर्ने क्षमतामाथि ध्यान दिनुप¥यो । यही कारण पोर्चुगलका अन्य आक्रमणकारी खेलाडीले पनि धेरै ठाउँ पाए ।

पोर्चुगलले खेल सुरुवातदेखि नै आफ्नो उद्देश्य स्पष्ट बनायो । उनीहरूले बल नियन्त्रण गरे, पासको गति कायम राखे र उज्वेकिस्तानलाई आफ्नै क्षेत्रमा सीमित राखे । खेलको पहिलो चरणमै पोर्चुगलले देखायो कि ‘ऊ व्यक्तिगत प्रतिभामा निर्भर छैन, बरु टोलीको संरचना पनि निकै बलियो छ ।’

रोनाल्डोको पहिलो गोलले खेलको दिशा परिवर्तन ग¥यो । त्यसपछि पोर्चुगल झन् आत्मविश्वासी देखियो । दोस्रो हाफमा उसले आक्रमणको गति अझ बढायो र उज्वेकिस्तानमाथि लगातार दबाब कायम राख्यो । यस खेलमा पोर्चुगलको सबैभन्दा ठूलो विशेषता अनुभव र नयाँ पुस्ताको उत्कृष्ट संयोजन हो । अग्रज खेलाडीले खेल बुझ्ने क्षमता देखाए भने युवा खेलाडीले गति, ऊर्जा र आक्रामकता थपे । यही मिश्रणले पोर्चुगललाई विश्वकपको खतरनाक टोली बनाएको छ ।

रोनाल्डो अहिले पहिलेजस्तो हरेक मिनेट उच्च गतिमा खेल्ने खेलाडी नहुन सक्छन् । तर, ठूलो खेलमा एउटा अवसर गोलमा बदल्ने क्षमता अझै पनि उनको सबैभन्दा ठूलो शक्ति हो ।

उज्वेकिस्तानका लागि भने यो खेल कठिन पाठ बन्यो । टोलीसँग मेहनत थियो, इच्छा थियो, तर विश्वस्तरीय टोलीविरुद्ध बल गुमाएपछिको प्रतिक्रिया कमजोर रह्यो । पोर्चुगलजस्तो टोलीले सानो गल्तीलाई पनि ठूलो अवसरमा बदल्छ । यो जितले पोर्चुगल रोनाल्डो होइन, रोनाल्डो अझै पनि यो टोलीको सबैभन्दा ठूलो प्रेरणाको केन्द्र हुन् भन्ने बुझ्न सकिन्छ ।

सम्बन्धित समाचार

अल्जेरियाविरुद्धको खेल मेसीका लागि विशेष दमकमा राष्ट्रिय बुद्धिचाल प्रतियोगिता जारी विश्वकप फुटबलः कालेब यिरेनकीको गोलमा घाना विजयी कतारको पोस्टमा क्यानडाको ६ गोल क्यानडाको ऐतिहासिक रात, मेक्सिको ‘अन्तिम ३२’मा विश्वकप फुटबलः साउदी अरेबियामाथि स्पेनको प्रभावशाली जीत फ्रान्स र नर्वे नकआउट चरणमा, अल्जेरियाले अस्ट्रेयासँग निर्णायक खेल खेल्ने कंगोलाई हराउँदै कोलम्बिया नकआउट चरणमा