काठमाडौं । स्याङजामा यात्रुवाहक जिप दुर्घटना हुँदा एक जनाको ज्यान गएको छ। २२ जना सवार जिप सडकमा पल्टिएर भएको दुर्घटनामा २० जना घाइते भएका छन्।

वालिङ नगरपालिका–७ लभ्लि डाँडास्थित मिर्दि- चापाकोट सडक खण्डमा ताप्केबाट वालिङतर्फ आउँदै गरेको बीएए ७९०५ नम्बरको डवल क्याप बलेरो जिप दुर्घटना हुँदा वालिङ-७ का २५ वर्षीय राजेन्द्र बिरकट्टाको ज्यान गएको प्रहरीले जनाएको छ।

जिपमा २२ जना सवार भएकोमा २० जना घाइते भएका छन्। घाइतेहरूलाई प्राथमिक स्वास्थ्य केन्द्र वालिङ, स्याङ्जामा सामान्य उपचारपछि थप उपचारका लागि १७ जनालाई पोखरा रिफर गरिएको छ भने २ जनालाई वुटवल पठाइएको छ। एकजना बालकको प्राथमिक स्वास्थ्य केन्द्र वालिङमा उपचार भइरहेको छ।

जिप चालक स्याङजा वालिङ ७ कै वर्ष २८ को मिन बहादुर सारूलाई नियन्त्रणमा लिएर थप अनुसन्धान भइरहेको जिल्ला प्रहरी कार्यालय स्याङ्जाले जनाएको छ।

सम्बन्धित समाचार

बैंकिङ कसुरमा वडाध्यक्ष महतो पक्राउ काठमाडौं मनगरको नीति तथा कार्यक्रम सार्वजनिक मधेश प्रदेशमा टुक्रे योजना बन्द जावलाखेलस्थित डीएभी कलेजमा विद्यार्थीले गरे आत्महत्या कर्णाली प्रदेशमा आगामी आवमा १२२ पुल निर्माण हुने हुम्लाको श्रीनगर आसपास केन्द्रविन्दु भएर भूकम्प रास्वपा सभापतिमा उम्मेदवारी दिन ५१ जना समर्थक रास्वपाको पदाधिकारी निर्वाचन कार्यतालिका सार्वजनिक, मध्यरातमा मतपरिणाम