काठमाडौँ । शुक्रवार काठमाडौँको बागबजार स्थित भक्तपुर बसपार्कदेखि श्रेष्ठ टे«लरिङ भवनसम्म सडकको दुवै किनारामा विभिन्न स्टलहरू राखिएको थियो । मध्यान्नदेखि सुरु भएको यो स्टलमा स्थानीय मौलिक खाना, विभिन्न हस्तकलाका सामग्री, विभिन्न कलाकृति, गीत संगीत तथा नेपाल भाषाका चलचित्रका प्रचार सामग्री राखिएको थियो ।

काठमाडौँ महानगरपालिकाले गत साताबाट सुरु गरेको ‘टोल टोलामा फिल्म महोत्सव’ अन्तर्गत शुक्रवार काठमाडौँको बागबजार क्षेत्रमा यो महोत्सव आयोजना गरेको हो । निर्णय नेपालले बागबजार सडक खण्डमा यो महोत्सवको शुक्रवार संयोजन गरेको थियो । सो क्षेत्रमा शुक्रवार साँझबाट चलचित्र प्रदर्शन गरिएको भए पनि दिनभर सडकमा खाना महोत्सव आयोजना गरिएको थियो । साँझ भने खानासँगै स्थानीयहरू चलचित्रमा रमाएका थिए ।

काठमाडौँ महानगर पालिकाले अमन शाही निर्देशित लघु चलचित्र ‘नन्द’, ताराङ निर्देशित ‘सवारी साहित्य’ र इशान भुषाल निर्देशित ‘पेन्गुइन रिभोलुसन’ प्रदर्शनसँगै गत साताबाट ‘टोल टोलामा फिल्म महोत्सव’ सुरु गरेको हो । शुक्रवार बागबजार क्षेत्रमा भने पाँच वटा लामा छोटा चलचित्रहरू प्रदर्शन गरियो । महोत्सवमा दर्शकले खानासँगै शैलेस आरसीको ‘पुपा’, नेपाल फिल्म एकेडेमीको ‘दृष्टि’,गृष्मा गिरीको ‘ब्ल्यु अफ पिंक’, आर्यम नकमीको ‘वचन’ र जोन योञ्जनको ‘प्रतिबिम्ब’ हेरे ।

‘टोल टोलमा फिल्म महोत्सव’ सुरु गत साताबाट सुरु भएको हो । काठमाडौँ महानगरपालिकाले टुँडिखेलको खुलामञ्चमा गत साता बिहिबार यो महोत्सवको उद्घाटन गरेको थियो । त्यसपछिबाट सुरु भएको यो महोत्सव आगामी २६ असारसम्म जारी रहने महोत्सव प्रेस संयोजक चन्द्रमणि भट्टराईले जानकारी गराए । उनका अनुसार काठमाडौँ महानगरपालिकाले युनेस्को क्रियटिभ सिटीज नेटवर्कअन्तर्गत ‘चलचित्र विधा’बाट सदस्य प्राप्त गरेका कारण पनि महानगरपालिकाले टोल टोलमा चलचित्र महोत्सव सुरु गरेको हो ।

काठमाडौँ महानगरपालिकाकी कार्यकारी प्रमुख सुनिता डंगोल गत महिना अन्तर्राष्ट्रिय चलचित्र महोत्सव कान्समा सहभागी भएकी थिइन् । कान्स महानगरले त्यहाँ भव्य रूपमा आयोजना गरेको कान्स अन्तर्राष्ट्रिय चलचित्र महोत्सवमा विश्वभरका चलचित्रकर्मीहरूसँग उनको सात्क्षात्कार भयो । महोत्सवको त्यो भव्यता देखेर कार्यकारी प्रमुख सुनिता डंगोल निकै प्रभावित भईन् ।

कान्सबाट फर्के लगत्तै सुनिताले नेपाली र स्थानीय चलचित्र एवम् लघु चलचित्रको प्रवर्धनको लागि ‘काठमाडौँ फिल्म फेस्टिवल’ अन्तर्गत ‘टोल टोलमा फिल्म महोत्सव’ सुरु गरेको बताएकी छिन् । सुनिताको भनाइमा काठमाडौँ महानगरपालिकाले यसै वर्ष काठमाडौँमा अन्तर्राष्ट्रिय चलचित्र महोत्सव आयोजनाको तयारी पनि गर्दै छ । त्यसको लागि पनि आफूहरूले यो स्थानीय महोत्सव आयोजना गरेको उनको कथन छ । राष्ट्रिय तथा स्थानीय चलचित्रसँग काठमाडौँ महानगर क्षेत्रको गीत संगीत, संस्कृति र यहाँको मौलिक खानालाई जोडेर यो महोत्सव आयोजना गरिएको उनले बताएकी छिन् । सुनिताको भनाइमा यो असार भरी आयोजना गरिने ‘टोल टोलमा फिल्म महोत्सव’ ’bout स्थानीयको प्रतिक्रिया र सहभागितालाई हेरेर यसलाई अब कसरी अगाडि बढाउने भन्ने निर्णय महानगरपालिकाले लिनेछ ।

काठमाडौँ महानगरले अघिल्लो बिहीबार खुला मञ्चबाट सुरु गरेको यो महोत्सव गत शुक्रवार असन बजार क्षेत्रमा आयोजना गरेको थियो । महोत्सवमा लघु चलचित्र प्रदर्शन, चलचित्र कला’bout अन्तरक्रिया, चलचित्र गीत संगीत प्रस्तुति तथा सांस्कृतिक झाँकीहरू प्रस्तुत सहित त्यहाँ कार्यक्रम गरिएको थियो । त्यहाँ स्थानीयले मौलिक खानाका परिकारको स्टल समेत राखेका थिए ।

यो महोत्सव आज शनिवार काठमाडौँको सुनधारा क्षेत्रमा आयोजना गरिने भएको छ । सुनधारा क्षेत्रमा शनिवार बिहानै देखि स्टल राखेर मौलिक खानासहित सांस्कृतिक झाँकीहरू प्रस्तुत गरिने र साँझबाट बेलुकासम्म चलचित्र प्रदर्शनीको कार्यक्रम रहेको महानगरपालिकाले जनाएको छ ।

२६ असारसम्म शुक्रवार र शनिवार आयोजना हुने यो कार्यक्रम अर्को शुक्रवार र शनिबार लगन टोल क्षेत्र र बालाजु बाइपास क्षेत्रमा आयोजना गरिने भएको छ । बालाजुमा आयोजना हुने ‘टोल टोलमा फिल्म महोत्सव’लाई येँःका पुचःले व्यवस्थापन गर्ने भएको छ । यस्तै लगन टोलमा आयोजना हुने यो महोत्सवलाई न्हुग पःला सांस्कृतिक मिसा पुचःले व्यवस्थापन गर्ने आयोजक पक्षले जनाएको छ ।

असारको अन्तिम साता शुक्रवार र शनिवार यो महोत्सव मैतीदेवी चौर र यट्खा बहाल भाष्करकीर्ति महाविहारमा आयोजना हुने छ । नेपाल भाषा स्यनेकने फाउन्डेसनले यट्खा बहालमा र मैतीदेवी युनाइटेड क्लवले मैतीदेवी मन्दिर खुला चौरमा यो महोत्सवको व्यवस्थापन गर्ने पनि महानगरपालिकाले जनाएको छ । यसरी चलचित्र महोत्सवको लागि स्थानीय सडकसँगै त्यहाँको पार्क, डबली तथा चोकहरू चयनसँगै त्यहाँ विविध कार्यक्रमसहित यो महोत्सव अगाडि बढाइएको छ ।

सम्बन्धित समाचार

आफ्नै चलचित्रको टिकट किनेर दर्शक खोज्न बाध्य निर्माता वायोपिकमा अग्रज कलाकार ‘मदनकृष्ण’ तमिल चलचित्रमा अझै मुख्यमन्त्री थलापति विजय नै महंगा अभिनेता बलिउड कलाकार जसले अन्तर धार्मिक विवाह रोजे ‘आचार्य’ लिएर ११ वर्षपछि निखिल नेपालमा पनि बन्न थाल्यो पुरानो चलचित्रको ‘रिमेक’ ओस्कारमा जान ‘एलिफेन्ट्स इन द फग’ भदौमै रिलिज ‘धुरन्धर’को डिजिटल रिलिज अदालतबाट खुल्ला