धनगढी । धनगढी उपमहानगरपालिकाले ‘उज्यालो धनगढी अभियान’ अन्तर्गत कनरी–फूलबारी चक्रपथमा २१० वटा अत्याधुनिक सेन्सरयुक्त सडक बत्ती जडान गरेको छ ।

उपमहानगरपालिकाका अनुसार वडा नम्बर १४, १५, १८ र १९ अन्तर्गत पर्ने चक्रपथका २१० वटा विद्युत् पोलमा स्मार्ट सडक बत्ती जडान गरिएको हो ।

वडा नम्बर १५ को कनरीदेखि वडा नम्बर १९ को आई गाउँसम्म सडक बत्ती जडान सम्पन्न भएसँगै बुधबारदेखि उक्त क्षेत्रमा रात्रिकालीन उज्यालो विस्तार भएको छ ।

उपमहानगरपालिकाले सडक बत्ती सञ्चालनमा आएपछि रातिको आवतजावत थप सुरक्षित हुने, दुर्घटना न्यूनीकरणमा सहयोग पुग्ने तथा स्थानीय बासिन्दालाई सहज हुने अपेक्षा गरेको जनाएको छ ।

यो कार्यक्रम नगर क्षेत्रलाई सुरक्षित, व्यवस्थित र आधुनिक बनाउने अभियानअन्तर्गत सञ्चालन गरिएको उपमहानगरपालिकाले जनाएको छ ।

सम्बन्धित समाचार

बाजुरालाई पूर्ण खोप सुनिश्चितता र दिगोपना घोषणा स्याउले बजारमा खानेपानी राहत: ३२० फिट गहिराइमा डिप बोरिङबाट पानी भेटियो पत्रकार खेम भण्डारी पक्राउ बिना हेलमेट बुलेट चलाएका मुख्यमन्त्री कमलबहादुर शाहलाई ५०० रुपैयाँ जरिवाना बर्दियाबाट सुरु भयो लालपुर्जा वितरण अभियान बैतडीमा घर भत्किँदा तीन जना घाइते दशकपछि पूरा हुँदै नौगाउँ–डुङरी–किमोला सिँचाइ योजना