लस एन्जलस । विश्व चर्चित पप सुपरस्टार माइकल ज्याक्सनको जीवनीमा आधारित चलचित्र ‘माइकल’ सबैभन्दा बढी कमाई गर्ने हलिउडको बायोपिक चलचित्र सावित भएको छ । रिलिज भएको तीन महिना भन्दा लामो समय यो चलचित्र विभिन्न देशमा प्रदर्शन भइरहेको छ । चलचित्र ‘माइकल’ गत २४ अप्रिल मा रिलिज भएको थियो । यसले बक्स अफिसमा दर्शकको असाधारण रूपमा माया पायो । माइकलका फ्यानहरूले यो चलचित्र पटक पटक चलचित्र घरमा पुगेर हेरे । जसका कारण चलचित्र व्यावसायिक रूपमा नयाँ कोसेढंगा सावित भएको छ ।

हलिउड चलचित्र व्यवसाय रिपोर्ट अनुसार चलचित्र ‘माइकल’ले विदेशमा मात्र ४६२९.८ मिलियन अमेरिकी डलरको व्यापार गरेको छ । यो चलचित्रले अमेरिकाको घरेलु बक्स अफिसमा समेत ४३७१.८ मिलियन अमेरिकी डलरको व्यापार गर्न सफल भएको छ । यो चलचित्रको कुल कमाई ४१.००१ बिलियन अमेरिकी डलर भएको छ । यसरी चलचित्र ‘माइकल’ले विश्वव्यापी रूपमा १ अर्ब भन्दा बढी अमेरिकी डलरको कमाई गर्दै हलिउड बायोपिक चलचित्रमा सबैभन्दा बढी कमाउने चलचित्रको रेकर्ड बनाएको छ ।

यसले २०१८मा बायोपिक चलचित्र ‘बोहेमियन ¥याप्सोडी’ले ४९११ मिलियन अमेरिकी डलरको व्यापार गरेको थियो । सो चलचित्रको रेकर्ड पनि यति बेला तोडिएको छ । यो लायन्सगेट स्टुडियोको अहिलेसम्मकै सबैभन्दा धेरै व्यापार गर्ने चलचित्र बन्न सफल भएको छ ।

२४ अप्रिलमा रिलिज भएबाटै यो चलचित्रले रेकर्ड तोड्दै आएको थियो ।सुरुवाती सप्ताहन्तमा यसले अमेरिकामा ४९७ मिलियन र विश्वव्यापी रूपमा ४२१७ मिलियन कमाएको थियो । यससँगै यसले २०१५ को चलचित्र ‘स्ट्रेट आउटटा कम्प्टन’ को रेकर्ड पनि तोडेको थियो ।

यो चलचित्रमा जाफर ज्याक्सनका साथै माइल्स टेलर, कोलम्यान डोमिङ्गो, क्याट ग्राहम, निया लङ, लौरा ह्यारियर, केन्ड्रिक स्याम्पसन, जुलियानो क्रुज–वाल्डीलगायतको मुख्य भूमिका थियो । चलचित्र विश्वव्यापी रूपमा एकसाथ रिलिज भएको थियो ।

यो चलचित्रमा पप सुपरस्टार माइकल ज्याक्सनको सुरुवाती दिनदेखि अन्तिम दिनसम्मको जीवन यात्रा देखाइएको छ । यसमा माइकल ज्याक्सनको संघर्ष, त्यसपछि उनको सफलता र स्टार बन्ने यात्राका आरोह अवरोहलाई निकै रोचक रूपमा प्रस्तुत गरिएको छ । यो चलचित्रलाई एन्टोइन फुकुवाले निर्देशन गरेका हुन् ।

चलचित्र निर्माण गर्दा आफूले लामो समयदेखि माइकल ज्याक्सनको जीवनलाई अध्ययन गरेर बुझेको र उनको जीवनका रोचक तथा कथानक भागहरूलाई चलचित्रमा आफूले समेटेको निर्देशक फुकुवाले बताएका छन् । आफ्नो चलचित्रले म्युजिकल बायोपिक चलचित्रमा बनाएको विश्वकै सर्वाधिक कमाउने चलचित्रको रेकर्ड प्रति उनले माइकलका प्रशंसक तथा सम्पूर्ण दर्शकलाई धन्यवाद ज्ञापन गरेका छन् ।

सम्बन्धित समाचार

अजयको चलचित्र ‘चौहान’ विवादमा ‘झिंगे दाउ २’को मार्मिक गीत ‘महिमा आमाको’ सार्वजनिक तेस्रो विवाहमा व्यस्त आमिर खान ‘नवल खड्का’ पुस्तक बजारमा आमा बन्न लागेको भन्दै बधाई आउँदा सामन्था चकित फेरी सँगै बस्न थाले विल स्मिथ र श्रीमती जाडा बाल प्रतिभाको लागि ‘म पनि एक्टर’ प्रतियोगिता तेस्रो ‘अन्तरराष्ट्रिय नेपाली फिल्म अवार्ड’ नेपालमा हुने