काठमाडौं । मलेसियामा कार्यरत नेपालीले अब राहदानी आफैँसँग राख्न पाउने भएका छन् । क्वालालम्पुरस्थित नेपाली राजदूतावासले एक सूचना जारी गर्दै अबदेखि सबै नेपाली नागरिकहरूलाई आफ्नो राहदानी (पासपोर्ट)आफैँसँग राख्न आग्रह गरेको छ ।

मलेसियाको प्रचलित कानूनको पालना गर्न र यात्राका क्रममा हुनसक्ने झन्झटबाट बच्न दूतावासले यो कदम चालेको हो ।

दूतावासले मलेसियाका सबै रोजगारदातालाई पनि आफ्ना नेपाली श्रमिकहरुको राहदानी उनीहरुकै साथमा रहने व्यवस्था मिलाउन र त्यसको सुनिश्चितता गर्न अनुरोध गरेको छ ।

कानूनले अनुमति दिएको अवस्था र श्रमिकको स्पष्ट सहमति भएको अवस्थामा बाहेक रोजगारदाताले श्रमिकको राहदानी आफ्नो नियन्त्रणमा राख्नु गैरकानूनी हुने छ ।

कुनै रोजगारदाता वा अन्य पक्षले श्रमिकको सहमति बिना राहदानी नियन्त्रणमा राखेमा दूतावासमा जानकारी गराउन भनिएको छ ।

सम्बन्धित समाचार

‘झिंगे दाउ २’को मार्मिक गीत ‘महिमा आमाको’ सार्वजनिक उत्पादनमा आधारित उद्योगलाई सरकारले प्रोत्साहन गर्छः मुख्यमन्त्री बानियाँ नारायणगढ–मुग्लिन सडकमा पहिरो पन्छाउने उपकरण तयारी अवस्थामा ‘लार्भा खोज र नष्ट गर’ कार्यक्रम सञ्चालन गर्दै कामपा सामाजिक सुरक्षा र सञ्चय कोष सदस्यलाई किस्टमा सहज स्वास्थ्य सेवा त्रिवि सेवा आयोगका अध्यक्ष किशोर थापाले लिए शपथ शिक्षा नियमावली १० औँ संशोधन स्वीकृत अन्तरप्रदेश चल्ने सार्वजनिक यातायातको भाडा दुई प्रतिशते घट्यो