काठमाडौं । सङ्घीय संसद अन्तर्गत रहेको संसदीय सुनुवाइ समितिको बैठक आज बस्दैछ । बैठक बिहान सवा ११ बजे सिंहदरबारस्थित अर्थ समितिको सभाकक्षमा बस्नेछ ।

बैठकमा प्रमुख निर्वाचन आयुक्तका लागि प्रस्तावित मानबहादुर कार्कीविरुद्ध उजुरी दिने उजुरीकर्तासँग छलफल गर्ने कार्यक्रम छ । त्यसपछि प्रमुख आयुक्तमा प्रस्तावित कार्कीलाई समितिसमक्ष आमन्त्रण गरी सुनुवाइ गरिनेछ ।

समितिले मङ्गलबार आयोगको आयुक्तमा प्रस्तावित गुरुप्रसाद वाग्ले र डा। राजीव सुब्बालाई आमन्त्रण गरी सुनुवाइ गरेको थियो । गत असार १९ गते बसेको संवैधानिक परिषदको बैठकले प्रमुख निर्वाचन आयुक्तमा कार्की र आयुक्तहरुमा वाग्ले र सुब्बाको नाम सिफारिश गरेको थियो ।

यसैगरी, आज सङ्घीयता सबलीकरण तथा राष्ट्रिय सरोकार समितिको बैठक पनि बस्दैछ । बैठक बिहान ११ बजे सिंहदरबारमा बस्नेछ । बैठकमा ‘आर्थिक वर्ष २०८३–८४ को वार्षिक कार्ययोजनाका सम्बन्धमा छलफल गर्ने कार्यसूची छ ।

सम्बन्धित समाचार

प्रधानमन्त्रीले पुँजी बजार र बीमा क्षेत्रका सरोकारवालासँग छलफल गर्दै वीपी स्मृति दिवसमा कांग्रेसको ‘ग्रीन रन’, गगन थापाले गरे शुभारम्भ बागमती सरकारबाट बाहिरियो एमाले प्रधानमन्त्रीले बोलाए हस्तकला महासंघका प्रतिनिधि मधेसका अर्थमन्त्रीसहित सातजना विरुद्ध ३९ करोडको भ्रष्टाचार मुद्दा प्रधानमन्त्रीले आज निर्यातजन्य उद्योग–व्यवसायसँग आबद्ध व्यवसायीसँग छलफल गर्दै कर्णालीको मुख्यमन्त्रीमा नेकपा नेता शाहीको दाबी पेस रास्वपाका सभापति लामिछानेद्वारा सर्वदलीय बैठक आह्वान