वीरगन्ज । वीरगन्जको नारायणी अस्पतालमा साउन ९ गते तोडफोड र त्यहाँका डाक्टर तथा स्वास्थ्यकर्मी माथि भएको आक्रमणको प्रकरण अब वडातर्फ सर्न थालेको छ । सो घटनामा सम्लग्न भएको अभियोगमा पक्राउ परेका वीरगन्ज २५ का वडाध्यक्ष ४५ वर्षीय आशुतोष चतुर्वेदीलाई विना सर्त रिहाइको माग गर्दै वीरगन्ज महानगरका ३२ वटै वडाको काम बुधबार प्रभावित भएको हो ।

वीरगन्ज २५ का ४५ वर्षीय राजकुमार पटलेको निधनपछि नारायणी अस्पतालमा पुगेका वडाध्यक्ष चतुर्वेदी कुटपिट र तोडफोडमा संलग्न रहेको अभियोगमा प्रहरीले उनलाई सोमबार नियन्त्रणमा लिएको छ । वडावासीको समस्यामा सरिक हुन जाँदा वडाध्यक्ष पक्राऊ पर्नु प्रहरीको गलत मनसाय भएको निकर्ष सहित वीरगन्ज महानगरका ३२ वटा वडाको काम प्रभावित गर्दै अरु वडाध्यक्षहरुले दवाव सृजना गरेका छन् ।

प्रहरीले ‘जिल्ला प्रशासन कार्यालयमा छलफल र संवाद गर्नुछ’ भनी वडाध्यक्ष चतुर्वेदीलाई साउन ११ गते महानगरको कार्यालयबाटै गाडीमा राखेर लगेको र अझै नछोडेपछि प्रहरी प्रशासनको नियत प्रष्ट भएकोले उनको रिहाइका लागि हामीले साउन १३ गतेबाट चरणबद्ध आन्दोलन सुरु गरेको वीरगन्ज महानगरपालिका ४ का वडाध्यक्ष जगत साह कानुले बताए । आफ्नो सहकर्मी वडाध्यक्ष चतुर्वेदीलाई नछोडे साउन १३ गतेबाट चरणबद्ध आन्दोलन गर्ने वडाध्यक्षहरुले मंगलबार नै निर्णय गरेको थियो । सो निर्णय कार्यान्वयन गर्न थालेको उनको भनाइ छ । वडावासीको पीडामा सरिक हुँदा सबै दोष वडाध्यक्ष माथि लगाई प्रहरीले पक्राउ गर्नु युक्तिसंगत नभएको वडाध्यक्षहरुको भनाइ छ ।

नारायणी अस्पतालका चिकित्सकको लापर्वाहीले पटेलको निधन भएको भन्दै उनका आफन्त र समर्थकहरुले साउन ९ गते शनिबार नारायणी अस्पतालको इमर्जेन्सीमा रहेका चिकित्सक र स्वास्थ्यकर्मीमाथि आक्रमण र अस्पतालमा तोडफोड गरेका थिए । सो क्रममा डा.प्रमोद रामसहितका ४ जना स्वास्थ्यकर्मीहरु घाइते भएका छन् । २९ वर्षीय डा.रामको काठमाण्डौको ट्रमा सेन्टरमा उपचार भइरहेको नारायणी अस्पतालका मेडिकल सुपरिटेण्डेन्ट डा चितरञ्जन साहले बताए ।

यता डा. राम तथा स्वास्थ्यकर्मीहरु माथि भएको कुटपिट र अस्पतालको तोडफोडको बिरोधमा उत्रिएको नेपाल चिकित्सक संघ नारायणीका अध्यक्ष डा.मनोज गुप्ताले बिरामीलाई निकै ढिलो गरी अस्पताल ल्याइपु¥याउँदा बचाउन नसकिएको दावी गरेका छन् । साउन १३ साँझबाट इमर्जेन्सी सेवा चाही संचालन गर्छौं होला उनले भने । चिकित्सकहरुको छाता संगठन नेपाल चिकित्सक संघ काठमाण्डौको पहलमा प्रधानमन्त्रीको कार्यालयमा भएको वृहत छलफल पछि पर्साका एसपी सुदिपराज पाठकको पनि सरुवा हुने जनाइएको छ । एएपीको सरुवा लगायत पाँच बुँदे सहमतिले हाम्रो मागको सुनुवाई हुन थालेको महसुस गरी इमर्जेन्सी लगायतका सेवा क्रमिक रुपमा संचालन गर्ने वीरगन्जको नारायणी अस्पतालका चिकित्सकहरुले बताएका छन् ।

नेपाल चिकित्सक संघ केन्द्रिय कार्य समितिले पनि इमर्जेन्सी सेवा बुधबारबाटै संचालन गर्न चिकित्सक संघ नारायणीका अध्यक्षलाई सम्बोधन गरी पत्र पठाएको पनि बुझिएको छ । यता जिल्ला प्रशासन कार्यालय पर्सामा बुधबार नै बसेको सर्वदलीय बैठकले पनि घटनाको सुक्ष्म अध्ययनका लागि एक उच्चस्तरीय विज्ञ रहेको समिति बनाउने र छानविन गरी दोषी जो कोहीलाई कानूनी कार्वाही गर्न सम्बन्धित निकायमा सिफारिस गर्ने निर्णय गरेको छ । साथै चिकित्सकहरुलाई पनि सबै सेवा संचालन गर्न अनुरोध गर्ने निर्णय गरेको छलफलमा बसेका सहभागीहरुले जनाएका छन् ।

सम्बन्धित समाचार

रौतहटमा एक युवाद्वारा पेट्रोल छर्केर आत्मदाह प्रयास सामुदायिक संवेदनशीलता व्यवस्थापनमा सुरक्षा निकायको गम्भीर लापरवाही एकैपटक नारायणी अस्पतालका सबै चिकित्सकले किन दिए राजीनामा ? मनसुनको प्रभाव बढ्यो, विभिन्न प्रदेशमा भारी वर्षाको सम्भावना प्रेमिकासँग विवाह गराइदिन माग गर्दै टेलिकम टावर चढेका युवकको सकुशल उद्धार पत्रकार कृष्ण थपलिया लालबन्दी नगर वाङ्मय परिषदद्वारा पुरस्कृत आज केही स्थानमा भारी वर्षाको सम्भावना आशा हराउँदै गएको घरमा मानवताको उज्यालो !