काठमाडौं । युवा महिला खेलाडीहरूको प्रतिभा उजागर गर्ने उद्देश्यले आयोजना गरिएको यू–१९ गर्ल्स बास्केटबल लिग २०८३ काठमाडौंमा सुरु भएको छ।

लेट्स गो बास्केटबल एकेडेमीको आयोजनामा सुरु भएको प्रतियोगितामा आठ टोलीको सहभागिता रहेको छ। प्रतियोगिताको पहिलो दिन आयोजक लेट्स गो बास्केटबल एकेडेमी, आईएसए नेपाल र कीर्तिपुर क्राउन्स विजयी भएका छन्।

पहिलो खेलमा आयोजक लेट्स गो बास्केटबल एकेडेमीले जेभियर कलेजलाई ४८–२४ अंकले पराजित गर्‍यो। त्यस्तै, आईएसए नेपालले रिम रनर्सलाई ३५–२९ अंकले हराउँदा कीर्तिपुर क्राउन्सले भीएस बलर्समाथि ५२–२८ अंकको जित निकाल्यो।

अर्को खेलमा यचु एकेडेमी र सगरमाथा कलेजबीचको प्रतिस्पर्धा ३१–३१ अंकको बराबरीमा टुंगिएको छ। प्रतियोगिताका खेलहरू लेट्स गो बास्केटबल एकेडेमीको कोर्टमा हरेक आइतबार, मंगलबार र शुक्रबार सञ्चालन हुने आयोजकले जनाएको छ।

युवा महिला खेलाडीलाई प्रतिस्पर्धात्मक वातावरण प्रदान गर्दै उनीहरूको क्षमता र प्रतिभा विकास गर्ने लक्ष्यसहित प्रतियोगिता आयोजना गरिएको हो।

सम्बन्धित समाचार

सर्पदंशबाट कैलालीमा २९ वर्षीय युवकको मृत्यु आत्मदाह प्रयास गरेका युवकको बाटोमै मृत्यु दीपक भट्टको मुद्दा न्यायाधीश विनोद शर्माको इजलासमा झापामा लगत सङ्कलनदेखि धनीपुर्जा वितरणसम्मका कार्य तीव्र अनसनरत डा. केसीद्वारा औषधि लिन अस्वीकार बागमती, गण्डकी र कर्णाली प्रदेशको केही स्थानमा भारी वर्षाको सम्भावना विद्यालयको आवासीय कोठामा शिक्षिकाको शव फेला, श्रीमान् सम्पर्कविहीन