काठमाडौं । ग्लोबल आइएमई बैंकले नाइमा अटो एक्सपोको अवसरमा अटो लोन योजना सार्वजनिक गरेको छ । नाइमा अटो एक्सपोमा नयाँ गाडी खरिद गर्ने ग्राहकले बैंकको आधारदरमा न्यूनतम ०.५ प्रतिशत प्रिमियम थप गरी अटो लोन लिन सक्नेछन् ।

बैंकका अनुसार, हालको आधारदरमा न्यूनतम ५.२५ प्रतिशत ब्याजदर मा अटो लोन उपलब्ध हुनेछ । साथै, नाइमा अटो एक्सपोमा नयाँ इभी गाडी खरिद गर्ने ग्राहकका लागि ३ वर्षसम्म ५.९९ प्रतिशत स्थिर ब्याजदर को विशेष योजना पनि ल्याइएको छ।

३ वर्षपछि भने उक्त कर्जाको ब्याजदर बैंकको आधारदरमा अधिकतम २ प्रतिशत प्रिमियम थप गरी कायम हुने बैंकले जनाएको छ । बैंकका अनुसार कर्जाका लागि बैंकसम्म पुगिरहनु पर्दैन । इमा अटो एक्सपोमै रहेको ग्लोबल आइएमई बैंकको स्टलबाटै कर्जाको आवेदन दिन सकिनेछ।

नयाँ गाडी वा इभी खरिद गर्न नाइमा अटो एक्सपोमा रहेको ग्लोबल आइएमई बैंकको स्टल (एस१) मा पुगि सहज तथा छिटो अटो लोनको सुविधा लिन बैंकले अनुरोध गरेको छ ।

सम्बन्धित समाचार

गरिबी घटाउने लघुवित्त नै गरिबका ‘शत्रु’ भाडा नतिरेपछि सार्वजनिक पुस्तकालयसहितका ‘स्टल’ बन्द ७ करोड २५ लाख बाँड्ने सरकारको निर्णय गैरकानुनी ! नेप्से परिसूचक दोहोरो अङ्कले घट्यो अर्थमन्त्री डा. वाग्लेले नेपाल राष्ट्र बैंकका सबै कार्यकारी निर्देशकसँग छलफल गर्दै केन्द्रीय बैंक ८५ अर्बको तीनमहिने निक्षेप सङ्कलन गर्दै लगानी बोर्डको सीईओमा यांकी उक्याब नियुक्त एक करोड ९४ लाख राजस्व सङ्कलन