काठमाडौं । युवा, श्रम तथा रोजगारमन्त्री रामजी यादवले शिक्षादेखि सीप, रोजगार, उद्यमशीलता, लगानी हुँदै राष्ट्रिय विकाससम्म युवाहरूलाई जोड्न एकीकृत ’युथ इकोसिस्टम’ निर्माण भइरहेको बताएका छन् ।

अन्तरराष्ट्रिय युवा दिवसका अवसरमा बुधबार काठमाडौंमा आयोजित मूल समारोहलाई सम्बोधन गर्दै मन्त्री यादवले राष्ट्रिय युवा परिषद्, ७५३ वटै स्थानीय तहका रोजगार सीप तथा उद्यमशीलता सेवा केन्द्रहरू, र युवा तथा साना व्यवसायी स्वरोजगार कोष लगायतका संयन्त्रहरूलाई आबद्ध गरेर ’युथ इकोसिस्टम’ निर्माण भइरहेको बताएका हुन् ।

उनले युवाहरूको सीप, क्षमता तथा सिर्जनशीलतालाई देश निर्माणमा जोड्नु सरकारको प्राथमिकता भएको धारणा राखे । युवाहरू देशको भविष्य मात्र नभई वर्तमान पनि भएकाले निर्णय प्रक्रिया, नेतृत्व र देश विकासको यात्रामा युवाहरूलाई अग्रस्थानमा राख्नुपर्नेमा उनले जोड दिए ।

युवा नेतृत्वको उच्च सम्मान गर्दै राष्ट्रिय युवा ऐनको विधेयकमा ३५ वर्षमुनिका युवालाई राष्ट्रिय युवा परिषद्को उपाध्यक्ष बनाउनुपर्ने नयाँ व्यवस्था प्रस्ताव गरिएको उनले जानकारी दिए ।

मन्त्री यादवले युवाले अवसर खोज्न एउटा कार्यालयबाट अर्को कार्यालय धाउन पर्ने अवस्थालाई अन्त्य गरेरै छाड्ने प्रतिवद्धता जनाए ।

सम्बन्धित समाचार

बागमतीका मुख्यमन्त्री बानियाँले विश्वासको मत लिने पर्यटन क्षेत्रको विकास गर्न विधेयक संशोधन गर्नुपर्छः पर्यटनमन्त्री पौडेल प्रधानमन्त्री शाहले बोलाए मन्त्रिपरिषद् बैठक विप्लवले गरे नयाँ कम्युनिस्ट केन्द्र बनाउन प्रस्ताव प्रदेश सरकारमा सहभागिताका विषयमा आवश्यक निर्णय लिने जिम्मा लिङ्देनलाई गृहमन्त्री गुरुङले राष्ट्रिय सभा बैठकमा सांसदहरूसँग मागे माफी उडानमा टर्बुलेन्स आउन सक्छ, तर गन्तव्यमा सुरक्षित पुर्‍याउँछौं : सभापति लामिछाने प्रधानमन्त्रीलाई भारतीय प्रधानमन्त्री मोदीको शुभकामना सन्देश हस्तान्तरण