काठमाडौं । नेपाली कांग्रेसले भदौ ११ गते महिला उद्यमशीलता सम्मेलन गर्ने भएको छ । कांग्रेस केन्द्रीय नीति, अनुसन्धान तथा प्रशिक्षण प्रतिष्ठानको बिहीबार बसेको सातौँ बैठकले पार्टी केन्द्रीय कार्यालय परिसरमा सम्मेलन गर्ने निर्णय गरेको हो ।

पार्टी उपसभापति तथा प्रतिष्ठान प्रमुख विश्वप्रकाश शर्माको अध्यक्षतामा बसेको बैठकले स्टार्टअप तथा साना, मझौला उद्यममा संलग्न महिलालाई सम्मेलनमा सहभागी गराउने निर्णय गरेको छ ।

महिला उद्यमीलाई एउटै साझा मञ्चमा ल्याएर अनुभव आदानप्रदान, लगानीकर्तासँग भेटघाट, सरकारी निकायसँग समन्वय, नयाँ बजारको खोजी तथा प्रेरणादायी वातावरण निर्माण गर्ने उद्देश्यले सम्मेलन आयोजना गर्न लागिएको कांग्रेसले जनाएको छ ।

त्यस्तै, बीपी स्मृति दिवसका अवसरमा साउन ६ गते आयोजना गरिएको ‘ग्रीन रन’ प्रतियोगिताअन्तर्गत महिलातर्फको दौड भदौ ६ गते पुनः सञ्चालन गर्ने निर्णय पनि बैठकले गरेको छ । प्राविधिक कारणले उक्त दिन महिलातर्फको विजेता घोषणा गर्न नसकिएकाले दौड पुनः सञ्चालन गर्न लागिएको कांग्रेसले जनाएको छ ।

पुनः सञ्चालन हुने दौडमा यसअघि दर्ता भइसकेका महिलाका साथै नयाँ इच्छुक महिलालाई समेत सहभागी गराइने भएको छ ।

बैठकले प्रतिष्ठानका सदस्य राकेश सिंहको संयोजकत्वमा समुदाय पहुँच उपसमिति गठन गर्ने निर्णय गरेको छ । उक्त उपसमितिको सहजीकरण केन्द्रीय सदस्य डा। अमिता प्रधानले गर्ने कार्यवाहक मुख्य सचिव कृष्णप्रसाद दुलालद्वारा जारी प्रेस नोटमा उल्लेख छ ।

सम्बन्धित समाचार

सुनसरी घटना शान्त पार्न ९ दलको साझा अपिल बागमतीका मुख्यमन्त्री बानियाँले विश्वासको मत लिने कांग्रेस संसदीय दलको बैठक सुरु पर्यटन क्षेत्रको विकास गर्न विधेयक संशोधन गर्नुपर्छः पर्यटनमन्त्री पौडेल सुदूरपश्चिमका रास्वपा सांसदले प्रधानमन्त्रीलाई के-के समस्या सुनाए ? विप्लवले गरे नयाँ कम्युनिस्ट केन्द्र बनाउन प्रस्ताव राजनीतिसँगै पुनः कानुनी विवादमा कांग्रेस प्रधानमन्त्रीलाई रुलिङ गरेर जवाफदेही बनाउन कांग्रेसको माग