काठमाडौं । नेपाली कांग्रेसका पूर्वमहामन्त्री डा. शशांक कोइरालाले शेरबहादुर देउवाकै नेतृत्वमा कांग्रेस अगाडि बढ्ने बताएका छन्।

शुक्रबार कांग्रेस इतर पक्षको राष्ट्रिय भेला उद्घाटन समारोहलाई सम्बोधन गर्दै भेला आयोजक समितिका संयोजक डा. कोइरालाले कांग्रेसलाई एकजुट बनाउनकै लागि भेला आयोजना गरिएको बताए। ‘नेपाली कांग्रेसलाई एकजुट बनाउने मेरो कर्तव्य हो,’ कोइरालाले भने, ‘कांग्रेस एकजुट भएमा कसैले पनि पराजित गर्न सक्दैन।’

भेलालाई सम्बोधन गर्दै कोइरालाले पूर्वप्रधानमन्त्री देउवासँगको सम्बन्ध’bout चर्चा गरे। पहिलो पटक देउवालाई बनारसमा बीपी कोइरालाले परिचय गराएको उनले सुनाए ।

त्यसपछि गिरिजाप्रसाद कोइरालाले देउवालाई बोलाउन फोन गर्न लगाएको बताए। २०४६ सालको जनआन्दोलनपछि लन्दनमा रहेका देउवालाई आफूले फोन गरेको उनले सुनाए।

‘शेरबहादुरजीको भाग्य यति राम्रो छ, आउने वितिक्कै प्रधानमन्त्री बन्नु भयो,’ उनले भने।

यस पटक पनि देउवा आएसँगै भेला सफल भएको उनको भनाइ थियो। ‘शेरबहादुर देउवा यहाँ आउने वितिक्कै यो पूर्ण सफल हुन्छ,’ कोइरालाले भने।

नेता कोइरालाले देउवाकै नेतृत्वमा कांग्रेस अघि बढ्ने बताए। ‘शेरबहादुर हाम्रो नेता हो, हाम्रो सभापति हो,’ डा। कोइरालाले थपे, ‘उहाँको नेतृत्वमा नेपाली कांग्रेस हिड्छ।’

सम्बन्धित समाचार

म संघीयता विरोधी होइन : प्रधानमन्त्री शाह प्रधानमन्त्री शाहले बोलाए मन्त्रिपरिषद् बैठक कांग्रेस सांसद यादव सदनमा किन ‘मौन’ उभिए ? प्रधानमन्त्री शाह र सभामुख अर्यालबीच भेटवार्ता थप हिंसा फैलिन नदिन प्रभावकारी भूमिका खेल्ने प्रधानमन्त्रीसमक्ष सांसदको प्रतिबद्धता निर्यात ठप्प हुँदा भद्रपुर भन्सारको राजस्व लक्ष्य प्रभावित क्रमशः सम्हालिँदै मधेस ‘देश र कांग्रेस जोड्न साउन २० गते राष्ट्रिय भेला’