काठमाडौं । साउन महिनामा ४० लाखभन्दा बढी सिलिन्डर ग्यास बिक्री भएको नेपाल आयल निगमले जनाएको छ । त्यत्ति धेरै ग्यास बिक्री भए पनि बजारमा अभाव उस्तै देखिएको छ । निगमका अनुसार साउनमा मात्रै ५७ हजार ३ सय १६ टन ग्यास आयात तथा बिक्री भएको छ। यो भनेको ४० लाख ३६ हजार ३ सय ६४ सिलिन्डर बराबर हो।

असारमा ३१ लाख ३६ हजार ९ सय ३७ सिलिन्डर बराबर ग्यास आयात तथा बिक्री भएको थियो। त्यसको तुलनामा साउनमा करिब ९ लाख सिलिन्डर बढी ग्यास बजारमा गएको निगमको तथ्यांकले देखाउँछ।

निगमका अनुसार चैत २०८२ मा २७ लाख ३२ हजार ३ सय ५५ सिलिन्डर बराबर ग्यास आयात तथा बिक्री भएको थियो। वैशाखमा यो घटेर २२ लाख ५७ हजार ४ सय ९६ र जेठमा २३ लाख १२ हजार ८ सय ३७ सिलिन्डरमा सीमित भएको थियो।

त्यसपछि असारदेखि ग्यासको आयात तथा बिक्री बढ्दै गएको देखिन्छ। साउनमा हालसम्मकै तुलनात्मक रूपमा उच्च परिमाणमा ग्यास बजारमा पठाइए पनि विभिन्न क्षेत्रमा अभावको समस्या देखिएको छ। निगमले आगामी दिनमा ग्यासको आयात अझ बढ्ने जनाएको छ।

सम्बन्धित समाचार

यस्तो छ आजका लागि विदेशी मुद्राको विनिमयदर विदेशी कर्मचारीको तलब विदेश लैजाने अनुमति नपाएको एनसेलको स्वीकारोक्ति फेसबुक, टिकटक र युट्युबको आम्दानीमा ५ प्रतिशत कर ‘मिनी संसद’मा पोशाक खरिद घोटाला प्रकरणले बबण्डर खस्कियो अमेरिकी डलर यस्तो छ आजका लागि विदेशी मुद्राको विनिमयदर साउन महिनाको दोस्रो पाक्षिक करदाता प्रोत्साहन पुरस्कार आज घोषणा हुने, उपभोक्ताको सहभागितामा उछाल एनसेललाई प्राधिकरणको स्पष्टीकरण : ग्राहकले डाटा नचलाउँदा पनि ब्यालेन्स किन काटेको ?