तुलसीपुर । अबैध सालको काठ बोेकेको बस पश्चिम दाङमा पल्टिएको छ । माथिल्लो ट्वाङखोलाबाट अबैध काठ लिएर हापुरे तर्फ आउँदै गरेको ग १ ख ७७०३ नम्वरको बस बबई गाउँपालिका वडा नम्वर ३ हंसपुरको पिसियो चोकमा पल्टिएको थियो । हंसपुर प्रहरी चौंकीले रोक्न खोज्दा नरोकेर भागेको बस पिसियो चोक नजिकै आएर घुम्तिमा पल्टिएको थियो ।
प्रहरीले ३९ क्युपूmट काठसहित बसलाई नियन्त्रणमा लिएर पुरन्धारा सव डिभिजन वन कार्यालयलाई बुझाएको ईलाका प्रहरी कार्यालय खिलतपुरका इन्चार्ज तथा प्रहरी निरीक्षक मोहन विक्रम केसीले जानकारी दिए । बसमा ४ जना रहेको र २ जनाको नाम खुलेपनि अनुसन्धानमा बाधा पुग्ने भन्दै नाम भने प्रहरीले खुलाएको छैन् ।
प्रहरी र वनको टोलीले काठ ओसारपसारमा संलग्न व्यक्तिहरुको खोजी कार्य तिब्र बनाएको पुरन्धारा सव डिभिजन वन कार्यालयका प्रमुख तथा साहयक वन अधिकृत सिद्धान्त बरालले जानकारी दिए । ओरोपीलाई वन ऐन २०७६ अनुसार अबैध सालको काठ ओसारपसारमा मुद्दा चलाउने साहयक वन अधिकृत बरालले जानकारी दिए । उनका अनुसार अबैध काठ ओसारपसारमा संलग्न बस भने जफत हुने अधिकृत बरालले बताए ।