काठमाडौं । नेपाली काङ्ग्रेसको १५औं महाधिवेशन अन्तर्गत काठमाडौँ क्षेत्र नम्बर २ मा क्षेत्रीय सभापतिमा कबिर शर्मासहित सबै पदमा नेतृत्व सर्वसम्मत चयन भएको छ। काठमाडौँका १० वटा निर्वाचन क्षेत्रमध्ये क्षेत्र नम्बर २ मा पहिलोपटक सबै पदमा निर्विरोध नेतृत्व चयन भएको हो।

यसै क्रममा क्षेत्र नम्बर २ अन्तर्गतका दुवै प्रदेशसभा क्षेत्रमा पनि नेतृत्व चयन सहमतिमै टुङ्गिएको छ। प्रदेशसभा क्षेत्र ‘क’ को सभापतिमा पुस्कर बस्ताकोटी र प्रदेशसभा क्षेत्र ‘ख’ को सभापतिमा सीताराम आचार्य निर्विरोध निर्वाचित भएका छन्। त्यस्तै कागेश्वरी मनोहरा नगरपालिकाको नगर सभापतिमा उद्धव दाहाल र शङ्खरापुर नगरपालिकाको नगर सभापतिमा जीवनलाल श्रेष्ठ निर्विरोध निर्वाचित भएका छन् ।

काठमाडौंका अन्य क्षेत्रहरूमा चुनावी प्रतिस्पर्धा र रस्साकस्सी जारी रहँदा क्षेत्र नम्बर २ ले भने वडा, नगर, प्रदेशसभा क्षेत्र र प्रतिनिधि सभा क्षेत्रीय समितिसम्मै उच्च तहको राजनीतिक समझदारी प्रदर्शन गरेको छ। स्थानीय वडा र नगर समितिहरूमा समेत सर्वसम्मत नेतृत्व चयन भएपछि यो क्षेत्र काठमाडौँभरि नै पार्टी एकताको बलियो नमुना बनेको छ।

पार्टीभित्रको आन्तरिक प्रतिस्पर्धालाई पन्छाएर तल्लो तहदेखि नै कायम भएको यो सहमतिले आगामी जिल्ला र केन्द्रीय महाधिवेशनका लागिसमेत सकारात्मक वातावरण तयार गरेको स्थानीय नेता-कार्यकर्ताहरूको भनाइ छ।

सम्बन्धित समाचार

आजपा उपत्यका विशेष कमिटीको अध्यक्षमा पासाङ तामाङ सरकारी भवनलाई बीमाको दायरामा ल्याउने तयारी कांग्रेस सभापतिको उम्मेदवार बन्न ४० हजार रुपैयाँ शुल्क लाग्ने रवि लामिछानेले बोलाए सर्वदलीय बैठक विपद् व्यवस्थापनका लागि विशेष समिति गठन गर्ने निर्णय कांग्रेस केन्द्रीय कार्यसमितिको बैठक दिउँसो २ बजे कांग्रेसमा एक्लिँदै शेरबहादुर देउवा सञ्चारमन्त्रीसँग कोरियाका राजदूतद्वारा शिष्टाचार भेट