काठमाडौं । नेपाली कांग्रेसको १५औँ महाधिवेशनअन्तर्गत सहमहामन्त्री (खस–आर्य क्लस्टर) तर्फको मतगणनामा मनोजमणि आचार्यले अग्रता कायम गरेका छन् ।

केन्द्रीय निर्वाचन समितिको पछिल्लो विवरणअनुसार १ हजार ७ सय ७ मत गणना हुँदा आचार्यले ६२३ मत प्राप्त गर्दै पहिलो स्थान बनाएका हुन् ।

उनलाई जगदीश्वरनरसिंह केसीले ५४५ मतका साथ पछ्याइरहेका छन् । आचार्य र केसीबीच ७८ मतको अन्तर रहेको छ ।

यसैगरी, सोही पदका अर्का उम्मेदवार दिनेश कोइरालाले ३३१ मत प्राप्त गरेका छन् भने शुभराम बस्नेतले ११४ मत पाएका छन् ।

सानेपास्थित केन्द्रीय कार्यालयमा खस–आर्यसहित विभिन्न क्लस्टरका पदाधिकारी तथा केन्द्रीय सदस्य पदहरूको मतगणना कार्य तीव्र गतिमा जारी रहेको निर्वाचन समितिले जनाएको छ ।

आज थप छ क्लस्टरको गणना भइरहेको छ भने केही क्लस्टरको हिजोदेखि मतगणना भइरहेको छ ।

सम्बन्धित समाचार

प्रधानमन्त्री शाहको सचिवालयमा २५ जना : हेर्नुहोस् सल्लाहकार र स्वकीयको टोली कांग्रेस महाधिवेशनमा १८ नयाँ अभ्यास कांग्रेसको अन्तिम केन्द्रीय समिति बैठक सम्पन्न, नेतृत्वदेखि विधान संशोधनसम्मका विषय समेटिए, बन्दसत्रमा पेश हुने कांग्रेस महाधिवेशनमा कुल ७,११४ मतदाता (नामावलीसहित) कांग्रेस सभापतिमा ३ जनाको उम्मेदवारी, वरिष्ठ र महिला उपाध्यक्ष निर्विरोध राठौरले उम्मेदवारी फिर्ता लिएँ, सभापतिमा गगनलाई समर्थन कांग्रेसलाई एकताबद्ध र गतिशील पार्टी बनाउने नवनिर्वाचित महामन्त्री प्रदीप पौडेलको प्रतिबद्धता कांग्रेस मतगणना २३ ठाउँमा जारी