काठमाडौं । सरकारले सोमबार (कार्तिक ३०) गते पनि सार्वजनिक विदा दिने निर्णय गरेको छ । २९ गते आइतबार छठ पर्व हो । छठ पर्वका दिन सार्वजनिक बिदा दिने चलन थियो । तर यसपल्ट सरकारले छठको भोलिपल्ट पनि सार्वजनिक बिदा दिएको छ ।

सरकारले ३० गते सोमबार पनि सार्वजनिक बिदा दिने निर्णय गरेपछि सर्वोच्च अदालतमा यसअघि नै तोकिएका मुद्दाका पेसी प्रभावित हुने भएका छन् ।

यसबाट नेपाल प्रहरीका निवर्तमान प्रहरी महानिरीक्षक दानबहादुर कार्कीले दायर गरेको रिटको सुनुवाइसमेत अन्योलमा परेको छ । उनको रिटमा कार्तिक ३० गते सोमबारका लागि पेसी तोकिएको थियो ।

सरकारले पदावधि बाँकी रहँदै उनलाई प्रहरी महानिरीक्षकको जिम्मेवारीबाट हटाएर प्रधानमन्त्री बालेन्द्र शाहको सुरक्षा सल्लाहकारको जिम्मेवारी दिएको थियो । उक्त जिम्मेवारी स्वीकार नगरेका कार्की न्यायको माग गर्दै सर्वोच्च अदालत पुगेका हुन् ।

अब कार्कीको रिटको सुनुवाइका लागि पनि सर्वोच्च अदालतले नयाँ पेसी मिति तोक्नुपर्ने देखिएको छ ।

सम्बन्धित समाचार

सर्वोच्चको पूर्ण बैठकमा समसामयिक विषयमा छलफल पक्राउ पत्रकारलाई रिहा गर्न प्रधानमन्त्री शाहकाे निर्देशन गएकाे छः प्रेसबिज्ञ दाहाल डीडीसीका तत्कालीन महाप्रबन्धक झा पक्राउ कुनै कार्डमा बिश्वास राख्दैन बालेन सरकार आईजीपीबाट हटाइएका दानबहादुर कार्की भन्छन्ः अब सरकारसँग कानुनी लडाइँ लड्छु न्यायाधीश पुनर्नियुक्ति गर्न पूर्वन्यायाधीशहरूको माग आइजीपीमा पुनर्बहालीको माग गर्दै सर्वोच्च अदालत पुगे कार्की छठको तयारीमा जनकपुरधाम, प्रधानमन्त्री बालेन पनि आउने