काठमाडौं । नक्कली शैक्षिक प्रमाणपत्र पेस गरी सरकारी पदमा नियुक्ति लिएको आरोपमा बाराको फेटा गाउँपालिकाका कर्मचारी ओम प्रकाश गिरीविरुद्ध भ्रष्टाचार मुद्दा दायर भएको छ। अख्तियार दुरुपयोग अनुसन्धान आयोगले गिरीलाई कैद र जरिवाना गर्न माग गर्दै विशेष अदालतमा आरोपपत्र दायर गरेको हो।
प्रधानमन्त्री रोजगार कार्यक्रमअन्तर्गत रोजगार संयोजक पदमा कार्यरत गिरीले नक्कली शैक्षिक प्रमाणपत्र पेस गरी सरकारी जागिर खाएको आरोप लागेको हो।
अख्तियारका अनुसार गिरीले २०७८ जेठ १ गतेदेखि फेटा गाउँपालिकामा रोजगार संयोजक पदमा नियुक्ति पाएका थिए। उक्त पदमा नियुक्ति हुन उनले तीन वर्षे बीएड तहको शैक्षिक प्रमाणपत्र पेस गरेका थिए।
उक्त प्रमाणपत्र त्रिभुवन विश्वविद्यालयबाट प्रमाणीकरण गराउँदा गिरीको नाममा नभई अर्कै व्यक्तिको रहेको पुष्टि भएको अख्तियारले जनाएको छ।
आफ्नो वास्तविक शैक्षिक योग्यता लुकाएर झुटो प्रमाणपत्र पेस गरी सरकारी पद प्राप्त गरेको देखिएकाले गिरीविरुद्ध भ्रष्टाचार निवारण ऐन, २०५९ को दफा १६ को उपदफा (१) अनुसार कारबाहीको माग गरिएको छ।
सम्बन्धित समाचार
क्यान महासंघको ३३ लाखको घरजग्गा कोष विवादमा
प्रहरी सहायक हबलदार गुरुङ मृत फेला
असिनाले ढाक्यो त्रिभुवन विमानस्थलको धावनमार्ग, आठ विमान आकाशमै होल्ड
घोप्टेभिरमा दुईतर्फी यातायात सञ्चालन गर्न कठिन
भीमफेदी इभी दुर्घटना अपडेट: एकै परिवारका छसहित १४ जनाको मृत्यु
यौन हिंसासम्बन्धी प्रस्तावित विधेयकमा थप सुधारको आवश्यकता






