नेपाल प्रहरी एआईजीविहीन

काठमाडौं । यतिबेला नेपाल प्रहरीको सिंगो संगठन अतिरिक्त प्रहरी महानिरीक्षक (एआईजी)विहीन अवस्थामा छ । रिक्त तीन एआईजी पदका लागि प्रहरीभित्र ७ डीआईजी प्रतिस्पर्धामा देखिएका छन् । उनीहरू एआईजी बढुवाका लागि शक्तिकेन्द्र धाउन थालेका छन् ।

२६औं प्रहरी महानिरीक्षक सर्वेन्द्र खनालसँगै गत मंगलबार तीन एआईजीले अवकाश पाएपछि रिक्त रहेको सो पदमा ७ डीआईजीबीच प्रतिस्पर्धा हुने देखिएको छ । सोही दिन १७ डीआईजीले समेत एकसाथ अवकाश पाएका थिए ।

त्यसलगत्तै गत बुधबार नेपाल प्रहरीको २७औं प्रहरी महानिरीक्षकका रूपमा डीआईजी ठाकुरप्रसाद ज्ञवाली नियुक्त भइसकेका छन् । सहज रूपमा २७औं आईजीपीमा ज्ञवालीलाई नियुक्त गरेको सरकारलाई एआईजी बढुवाका लागि भने सकस परेको छ । शक्तिकेन्द्रको प्रभावकै कारण प्रहरीभित्रको माथिल्ला तहको बढुवामा बेलाबखत विवादसमेत देखिँदै आएको छ ।

हाल एआईजी रिक्त रहेको अवस्थामा बढुवा रोकिँदा डीआईजीका लागि बढुवा हुने एसएसपीहरूसमेत पर्खाइमा छन् । सरकारले एआईजी नियुक्त गरेपछि डीआईजीमा हाल एसएसपी रहेकाहरूलाई बढुवाको बाटो खुल्नेछ । रिक्त तीन जना एआईजीका लागि ७ डीआईजी प्रतिस्पर्धामा छन्, जसमध्ये दुई डीआईजी तारिणी लम्साल र सूर्यप्रसाद उपाध्याय वर्तमान आईजीपी ज्ञवालीकै ब्याचका हुन् ।

लम्साल र उपाध्यायपछिका ब्याचका डीआईजीहरू शैलेश थापा क्षेत्री, प्रद्युम्न कार्की, हरिबहादुर पाल र निरजबहादुर शाही एआईजी बढुवाको मुख्य दौडमा छन् । यस्तै, उनीहरूभन्दा पछिल्लो ब्याचका डीआईजी विश्वराज पोखरेलसमेत एआईजी पदको बढुवामा दाबेदार मानिन्छन् । उनी एआईजी भएमा आगामी असारमा आईजी बन्नेछन् । हालका आईजी ज्ञवालीले ३० वर्षे सेवा अवधिका कारण असारमा अवकाश पाउनेछन् । एआईजी बढुवाका लागि छलफल सुरु भइसकेको गृह स्रोत बताउँछ ।

‘लम्साल र उपाध्यायबीच समस्या देखिएन, बाँकी एक पदमा कसलाई ल्याउने भन्नेमा समस्या छ । गृहभन्दा माथिल्लो तहबाटै छलफल सुरु भएको छ,’ गृह मन्त्रालयका एक उच्च अधिकारीले भने ।

स्रोतका अनुसार गृहमन्त्री रामबहादुर थापा र गृहसचिव महेश्वर न्यौपानेबीच सोमबार केही समय एआईजी नियुक्तिका विषयमा अनौपचारिक छलफल भएको थियो । प्रहरी नियमावली, २०७१ अनुसार एआईजीको बढुवा सिफारिस समितिमा गृह मन्त्रालयका सचिव अध्यक्ष, प्रधानमन्त्री कार्यालयका सचिव सदस्य र आईजीपी सदस्य सचिव गरी ३ सदस्य रहने व्यवस्था छ ।

यस्तै, डीआईजीको बढुवा सिफारिस समितिमा गृह मन्त्रालयका सचिव अध्यक्ष, आईजीपी सदस्य र आईजीपीले तोकेको १ जना एआईजी सदस्य सचिव रहनेछन् ।

तपाइको प्रतिक्रिया
(Visited 104 times, 1 visits today)

Ads Space Available

epaper

भर्खरै

सुनसरी क्षेत्र नं. ४ मा कांग्रेसका ज्ञानेन्द्रबहादुर कार्की निर्वाचित

कुरी-कुरी

राजधानी राष्ट्रिय दैनिक:कुरी-कुरी – कार्तिक ३०, २०७९
राजधानी राष्ट्रिय दैनिक:कुरी-कुरी – कार्तिक ३०, २०७९