मिथिलाञ्चलमा दुर्गा पूजासंगै सुरु हुन्छ पार्थिव महादेवको पूजा

जनकपुरधाम । दशैँ उत्सवको वेला जनकपुरधाम क्षेत्रमा अहिले पार्थिव महादेवको पूजा सुरु भएको छ । घरका सदस्यहरु आफै माटोको महादेव बनाएर पूजा गर्ने गर्छन् । साउन र असोजमा मिथिलाञ्चलमा पार्थिव महादेवको अत्यधिक पूजा हुने गरेको छ ।

शिव पुराणका अनुसार शिव पूजनले धन्यधान्य र अरोग्यका साथै पुत्र प्राप्त हुने विश्वास छ । जो दम्पति पुत्र प्राप्तीका लागि वर्षोदेखि दुखित छन् उनीहरुले पार्थिव महादेवको पूजा गर्नु पर्ने धार्मिक क्षेत्रका जानकारहरु बताउँछन । पार्थिव पूजाले अकाल मृत्युको भय समेत समाप्त हुने गरेको पण्डित विद्यानन्द झाले बताए । यो पूजा छुटटा छुटटै रुपमा पनि हुने गर्छ भने समूहमा पनि पूजा गर्ने चलन छ ।

मिथिलाञ्चलमा दशैमा दूर्गाको पूजा संगै महादेवको पनि पूजा गर्ने परम्परा रहेको सांस्कृतिविद एवं मैथिलीका साहित्यकार चन्द्रमोहन झा पडवा वताउछन् । ‘अरु वेला जे भए पनि अहिले पार्थिव महादेवको पूजा हुन्छ ।’ उनले भने ।

कलयुगमा कुष्टमाण्ड ऋषिका पुत्र मण्डपले यो पूजाको प्रारम्भ गरेको विश्वास छ । त्यहीवेलादेखि यो पूजाको प्रारम्भ भएको मान्यता रहेको छ । मिथिला नरेश जनकका कुलदेवता महादेव रहेका भएकाले पनि मिथिलामा सबै भन्दा बढी महादेवकै हरेक रुपको पूजा हुने गरेको छ ।

शिव पुराण का अनुसार सबै वर्ण र सबै वर्गक व्यक्ति भगवान शिवको लिंगार्चन, शिवार्चन, रुद्राभिषेक आदि वैदिक अनुष्ठान गर्न सक्छन । शिव पूजन गर्नेमा महिलाहरुको पनि त्यतिकै अधिकार रहेको छ । शिवलाई सौभाग्यको देवता भनिन्छ त्यसैकारणले होला सुहागिन महिला भगवान शंकरसंग जोडिएको सबै व्रत एवं पूजन गर्छिन ।

पार्थिव महादेवको पूजा गर्दा होमजाप समेत हुने गरेको छ । तर दशैको बेला मिथिलामा विना यज्ञकै पूजा गरेको पनि देखिएको छ । जपका अतिरिक्त घर घरमा दूर्गापाठ हुने गरेको पुरेत्याई पेशामा आबद्ध पण्डित दिगम्बर झा दिनमणीले वताए । संस्कृत भाषा आउनेहरु मध्ये कतिले आफै पनि पूजा गर्छन भने केहीले पण्डितलाई जिम्मेवारी दिएर पूजा गराउने गरिएको देखिएको छ ।

तपाइको प्रतिक्रिया
(Visited 336 times, 1 visits today)

Ads Space Available

epaper

भर्खरै

गठबन्धनमा कालो बादल मडारिएको हो ?

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
धरानमा लौरोले मतान्तर फराकिलो बनाउँदै, कांग्रेसभन्दा १ हजार ५०९ मतले अगाडि