काठमाडौं । प्रधानमन्त्री दैवी प्रकोप राहत कोषमा सोमबार एकै दिन ६० करोड २ लाख रुपैयाँ संकलन भएको छ । अर्थमन्त्री डा. स्वर्णिम वाग्लेलाई चेक हस्तान्तरण गर्दै विभिन्न ८३ वटा उद्योगी तथा व्यापारिक समूह र परोपकारी व्यक्तिहरूले सो रकम सरकारलाई उपलब्ध गराएका हुन् ।

रसुवाका बाढीपीडितका लागि खर्च गर्ने उद्देश्यले सो रकम प्रदान गरिएको हो ।

प्रधानमन्त्री राहत तथा उद्धार कोषका लागि अर्थ मन्त्रालयमार्फत भौतिक रूपमा सहयोग रकम संकलन गर्न सरकारले ११ भदौदेखि सुरु गरेको थियो । त्यसयताकै सबैभन्दा धेरै रकम आज अर्थ मन्त्रालयमार्फत प्राप्त भएको हो । आज अर्थमन्त्री डा. स्वर्णिम वाग्ले र निमित्त अर्थसचिव उत्तर खत्रीमार्फत दाताहरूले हस्तान्तरण गरेको चेकको कुल रकम ६० करोड २ लाख २० हजार १०६ रुपैयाँ ६२ पैसा रहेको छ ।

११ भदौमा २७ करोड ३३ लाख रुपैयाँ, १२ भदौमा ३८ करोड ६० लाख ६४ हजार ३२४ रुपैयाँ, १४ भदौमा ४ करोड ७९ लाख रुपैयाँ र २ लाख अमेरिकी डलर दाताहरूले अर्थमन्त्री डा. स्वर्णिम वाग्लेमार्फत चेक हस्तान्तरण गरेर उपलब्ध गराएका थिए ।

मन्त्रालयको तथ्यांकअनुसार चार दिनमा अर्थमन्त्रीमार्फत कुल १ अर्ब ३० करोड ७५ लाख ८ हजार ६६१ रुपैयाँ प्रधानमन्त्री राहत कोषमा जम्मा भएको छ । त्यसमध्ये ८० हजार रुपैयाँ नगद थियो भने बाँकी सबै ‘एकाउन्ट पेयी’ चेक रहेका छन् । यस्तै, दुई लाख अमेरिकी डलरको चेक पनि मन्त्रालयमा प्राप्त भएको जनाइएको छ ।

सम्बन्धित समाचार

साउन महिनाको दोस्रो पाक्षिक करदाता प्रोत्साहन पुरस्कार आज घोषणा हुने, उपभोक्ताको सहभागितामा उछाल साउनमा ४० लाखभन्दा बढी सिलिन्डर ग्यास बिक्री, बजारमा अभाव उस्तै मोबाइलको कभर र सिसा फेर्दा पर्‍यो प्रहरीका सईलाई १० लाख रुपैयाँको करदाता प्रोत्साहन बम्पर उपहार सुनको मूल्य तोलामै बढ्यो ९ हजार ३०० रुपैयाँ, चाँदीको पनि वृद्धि दुई दिनमा तोलाको १२ हजार ६०० रुपैयाँले बढ्यो सुन, कतिमा भइराखेको छ आज कारोबार ? साउनमा एक खर्ब ८७ अर्बको सामान आयात, ३८ अर्बको निर्यात २६ बर्ष निदाएर ब्युझिदै हेटौंडा कपडा उद्योग फौजदारी मुद्दा खेपिरहेका एनआइएमबीका सिइओ र बोर्ड सदस्य नियमावलीविपरित जिम्मेवारीमा