पक्राउ पुर्जी जारी भएको दुई महिनासम्म पनि समातिएनन् आरोपित

गुल्मी । गुल्मीमा अदालतले पक्राउ पुर्जी जारी गरेको दुई महिना बितिसक्दा पनि आरोपित प्रहरी नियन्त्रणमा आउन सकेका छैनन् । जिल्लाको गुल्मीदरबार गाउँपालिका वडा नम्बर ४ का ३८ बर्षीय नारायण पाध्या शर्मा चुदालीलाई प्रहरीले अझैसम्म पनि पक्राउ गर्न सकेको छैन ।

आरोपित चुदालीविरुद्ध जिल्ला प्रहरी कार्यालय, गुल्मीमा गत मंसिर ८ गते मानव बेचविखन विरुद्धको मुद्धा दर्ता भयो । त्यसपछि पीडितको बयानका आधारमा जिल्ला अदालतले मंसिर १० गते उनको नाममा पक्राउ पुर्जी समेत जारी ग¥यो । तर आरोपित गाउँमै डुलेर बस्दासमेत प्रहरीले उनलाई पक्राउन गर्न सकेको छैन ।

गत कात्तिक २६ गते चुदालीले रुरुक्षेत्र गाउँपालिका– ४ बलेटक्सारकी १७ बर्षीया बालिकालाई आफ्नो घर लगेका थिए । बालिका र चुदाली नाताले साली भिनाजु पर्छन् । मंसिर १ गते भाइटिकापछि आफ्नो घर बलेटक्सार जानको लागि मोटरसाइकलमा हिँड्छन् । तर छत्रकोट गाउँपालिकाको चोयघामा एक प्रकारको पेय पदार्थ खान दिएर गोरखपुर पु¥याएको पीडितको बयानमा उल्लेख गरिएको छ । बालिकालाई गोरखपुरको राज होटलमा ५ दिनसम्म करणी गरेको तथा बन्धक बनाएर राखेको पीडितको निवेदनमा उल्लेख गरिएको छ ।

शर्माविरुद्ध मानव बेचबिखनको मुद्धा दर्ता गरिएको छ । पीडितका बुबाले पीडक नारायण शर्मा गाउँ–घरमै डुलेर बस्दासमेत पहुँचको आधारमा प्रहरीले चासो नदिएको गुनासो गरे । यससम्बन्धमा जिल्ला प्रहरी कार्यालय गुल्मीका प्रमुख प्रविणलाल श्रेष्टले अदालतबाट पक्राउ पुर्जी भइसकेको तथा आरोपित पत्ता लगाउन नसकेको प्रतिक्रिया दिए । एकपटक रुपन्देही तथा विभिन्न स्थानका प्रहरी चौकीहरुसँग समन्वय गर्दा समेत नभेटिएको प्रहरी प्रमुख श्रेष्टले बताए । कोही कसैले फेला पारेमा आफुहरुलाई खबर गर्न पनि उनले आग्रह गरे ।

तपाइको प्रतिक्रिया
(Visited 299 times, 1 visits today)

Ads Space Available

epaper

भर्खरै

नेतृ रेखा थापाद्वारा राप्रपाको विशेष महाधिवेशन माग

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
स्थानियले भगवती चाैधरीसंग भने : यसपाली जिताएर पठाउछौं