सुनोदको निर्देशनमा ‘हावा सरर’

काठमाडौं । गायक कुशल आचार्यको स्वरमा ‘हावा सरर’ सार्वजनिक भएको छ । गीतको कम्पोज गायक कुशलले नै गरेका छन् । कुशल र अंकुश अधिकारीले संयुक्त रूपमा लेखेको गीतमा प्रज्जवल लामाको संगीत सुन्न सकिन्छ । भिडियोको निर्देशन सुनोद श्रेष्ठले गरेका हुन् भने सुनेश श्रेष्ठले खिचेका हुन् । यसको भिडियो अस्ट्रेलियाको मेल्बर्नमा सुटिङ गरिएको हो ।

भिडियोमा रेसा सापकोटा, रोजिना उदास र ईश्वर फुँयालले अभिनय गरेका छन् भने गायक आचार्य र निर्देशक श्रेष्ठलाई पनि देख्न सकिन्छ । कुशल ‘द भ्वइस अफ नेपाल सिजन–१’ को फाइनलसम्म पुगेका प्रतियोगी हुन् । भोटिङका आधारमा विजयी छनोट हुने उक्त प्रतियोगिता उनी उपाधि जित्नबाट चुकेका थिए । गीतलाई लिएर गायक कुशल निकै आशावादी छन् । उनी भन्छन्, ‘द भ्वाइसको प्लेटफर्ममा मैले धेरै माया पाए । अहिले अफिसियल गीत सार्वजनिक गरेको छु ।

सबैले माया गर्नुहुन्छ भन्ने कुरामा विश्वस्त छु ।’ त्यस्तै, निर्देशक सुनोद मोडलिङमा पनि क्रियाशील छन् । सात समुन्द्रपारि, बिर्सन सक्दिनँ, तिमी र म उनका असाध्यै रुचाइएका म्युजिक भिडियो हुन् । श्रेष्ठले अस्टे«लियन टेलिभिजन च्यानल सेभनबाट प्रसारण हुने विनर एन्ड लुजरको संस्करणमा समेत अभिनय गरिसकेका छन् । अस्ट्रेलियाको टेलिभिजन एसबीएसमार्फत प्रसारण हुने टेलिफिल्म विल्फेर्ड दी डगमा समेत अभिनय गरेका थिए ।

यस्तै, हास्य टेलिशृंखला उत्पादन गर्ने कमेडी टेलिभिजनको ओपन स्यालदरमा पनि उनले काम गरिसकेका छन् । च्यानल नाइनमार्फत प्रसारण भएको ग्यालोपोली वारमा गोर्खालीका रूपमा उनले गरेको अभिनय निकै चर्चित थियो । सुनोदले सन् २०१६ मा अस्ट्रेलियन फिचर फिल्म दी मेन कफ मेथोडमा पनि अभिनय गरेका थिए ।

तपाइको प्रतिक्रिया
(Visited 322 times, 1 visits today)

Ads Space Available

epaper

भर्खरै

कहाँ छ त्यो शून्य सञ्चालक ?

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
कैलालीका ४ पालिकामा रेशम चौधरीको पार्टी, ३ मा काँग्रेस अगाडि