ह्यारिसको समर्थन बाइडेनलाई, जेस्सी ज्याक्सन स्यान्डर्सको प्रचारमा

Rajdhani Rastriya Dainik | Online Nepali News Portal
Rajdhani Rastriya Dainik | Online Nepali News Portal

वासिङ्टन । क्यालिफोर्निया राज्यकी सिनेटर कमला ह्यारिसले अमेरिकी राष्ट्रपतिका आकाँक्षी जो बाइडेनलाई समर्थन गर्ने औपचारिक घोषणा गर्नु भएको छ । गत डिसेम्बरमै उम्मेदवारी परित्याग गर्नुभएकी ह्यारिसले बाइडेनलाई जिताउन आफूले सक्दो मद्दत गर्ने पनि बताउनुभएको छ ।

अमेरिकी डेमोक्रेटिक पार्टीका तर्फबाट राष्ट्रपतिको उम्मेदवार छनौटको दौडमा अब पूर्व उपराष्ट्रपति जो बाइडेन र सिनेटर बर्नी स्यान्डर्स मात्र रहनु भएको छ । दुबैमध्ये एक जनाले आगामी नोभेम्बरमा हुने अमेरिकी राष्ट्रपतिको निर्वाचनमा रिपब्लीकन उम्मेदवार एवं वर्तमान राष्ट्रपति डोनाल्ड ट्रम्पसँग प्रतिस्पर्धा गर्नु पर्नेछ । यही मङ्गलबार छ वटा राज्यमा चुनाव हुनुअघि ह्यारिसको घोषणा हुनुले बाइडेनलाई फाइदा पुग्ने अनुमान गरिएको छ ।

अमेरिकी दुई ठूला राज्यहरु मिसिगन र मिसिसिपी समेत छ वटा राज्यमा चुनाव हुँदैछ । गत मंगलबार सम्पन्न १४ वटा राज्यको चुनावले धेरै उम्मेदवारलाई पाखा लगाएको थियो । यीमध्ये १० वटा राज्यमा बाइडेनले चुनाव जित्नु भएको थियो भने क्यालिफोर्निया समेत ४ राज्यमा स्यान्डर्स विजयी हुनु भएको थियो । स्यान्डर्सलाई पछिल्लो पटक नागरिक अधिकारका पक्षमा वकालत गर्ने अमेरिकी विशिष्ट अश्वेत नागरिक जेसी ज्याक्सनले समर्थन गर्नु भएको छ ।

मिसिगनको ग्रान्ड र्यापिड्समा आयोजित चुनावी सभामा स्यान्डर्ससँगै ज्याक्सन उपस्थित हुनु भएको थियो । स्यान्डर्सको चुनावी अभियानले प्रकाशन गरेको विज्ञप्तिमा ज्याक्सनलाई स्यान्डर्सले गर्नु भएको आमन्त्रणलाई सहर्ष स्वीकार गर्नु भएको, तर बाइडेनले ज्याक्सनलाई एक पटक पनि नसम्झेको उल्लेख छ ।

बाइडेनका पूर्व प्रतिस्पर्धीहरु एमी क्लोबुचार, पिट बुटिजिज, बेटो ओरुर्की, माइक ब्लूमबर्ग, टिम रायन, डेभाल प्याट्रिक र जोन डिलानीले उम्मेदवारी परित्याग गरी बाइडेनलाई समर्थन गर्नु भएको छ । स्यान्डर्सलाई भने मारिएन विलियम्सन र बिल डी ब्लासिओले समर्थन गर्नु भएको छ ।

यसैबीच, आइतबार मिसिसिपीका दुई जना वरिष्ट डेमोक्र्याट्स पूर्व गभर्नर रे माबुस र पूर्व राष्ट्रपति बिल क्लिन्टनको कार्यकालका कृषि मन्त्री माइक एसपीले पनि बाइडेनलाई समर्थन गर्नु भएको छ ।

तपाइको प्रतिक्रिया
(Visited 175 times, 1 visits today)

Ads Space Available

epaper

भर्खरै

गठबन्धनमा कालो बादल मडारिएको हो ?

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
काठमाडौँमा ४ जना वडा सदस्य निर्विरोध निर्वाचित