लापरवाहीका कारण दुईको ज्यान गयो

राजविराज । जिल्लाको छुट्टाछुट्टै स्थानमा भएको घटनामा एक अवोध बालकसहित दुई जनाको ज्यान गएको छ । प्रहरीका अनुसार मंगलबार साँझ सप्तरीको बोदेबसाईन ८ मा पोखरीमा डुबेर २ वर्षिय बालक अविनाश कुमार यादवको मृत्यु भएको छ । खेल्दा खेल्दै घर नजिक रहेको पोखरीमा डुबेर उनको मृत्यु भएको प्रहरीले जनाएको छ ।

अभिभावकले खुल्ला स्थानमा बालबालिकालाई खेल्न दिनु र निगरानी गर्न नसक्दा यस्तो दुःखद घटना भएको प्रहरीको भनाई छ ।  यस्तै जिल्लाको सप्तकोशी नगरपालिकामा मोटरसाइकल दुर्घटनामा परि कंचनरुप नगरपालिका ६ का २६ वर्षिय चन्द्रमान श्रेष्ठको मृत्यु भएको छ ।

कंचनपुर–फत्तेपुर सडक खण्डमा राती ८ बजथेतिर श्रेष्ठ चढेको बा.४१प. ६८६३ नम्बरको मोटरसाइकल र विपरीत दिशाबाट आउँदै गरेको प्रदेश नं. १–०२–०४१ प.७७६१ नम्बरको मोटरसाइकल एक आपसमा ठोकिदा सो दुर्घटना भएको हो ।

श्रेष्ठलाई उपचारका लागि बिराटनगरतर्फ लैजाँदै गर्दा बाटोमै मृत्यु भएको प्रहरीले जनाएको छ । अर्को मोटरसाइकलमा सवार सप्तकोशी नगरपालिका १ बस्ने २८ बर्षिय अशोक साह र २३ वर्षिय सन्नी साह गम्भिर घाइते भएका छन् ।

दुबैको धरानस्थित विपि कोइराला स्वास्थ्य बिज्ञान प्रतिष्ठानमा उपचार भइरहेको डिएसपी तिलक भारतीले जानकारी दिए । लापरवाहीले गाडी चलाउँदा सो घटना भएको प्रहरीको भनाई छ ।

तपाइको प्रतिक्रिया
(Visited 113 times, 1 visits today)

आजको समाचार

Ads Space Available

epaper

भर्खरै

कांग्रेसको समानुपातिक सूची संशोधनमा सहमति जुट्यो

कुरी-कुरी

आजको १० समाचार