दुई मन्त्रीद्धारा हुलाकी सडक निरिक्षण,छिट्टै निर्माण हुने प्रतिवद्धता

सर्लाही । सर्लाहीमा दुई मन्त्री द्धारा हुलाकी सडक निरिक्षण तथा अनुगमन गरिएको छ । हुलाकी सडक शीघ्र निर्माण र सुदृढीकरण गर्न शनिवार सदरमुकाम मलंगवा स्थित जिल्ला समन्वय समितिको सभाहलमा छलफल पश्चात भौतिक पूर्वाधार तथा यातायात मन्त्री वसन्त कुमार नेम्वाङ र श्रम,रोजगार तथा सामाजिक सुरक्षा मन्त्री रामेश्वर राय यादव हुलाकी सडक निर्माण र सुदृढीकरण गर्न निरिक्षण तथा अनुगमन गर्नु भएको छ ।

राजमार्ग निरिक्षण पश्चात द्धव मन्त्री नेम्वाङ्ग र रायले राजमार्ग निर्माण कार्य छिट्टै हुने प्रतिवद्धता समेत गर्नु भयो । मन्त्री नेम्वाङले सर्लाहीको सङ्ग्रामपुरदेखि बलरासम्मको पूर्व–पश्चिम हुलाकी सडकको स्थलगत निरीक्षण गर्नुभएको हो । मन्त्री नेम्वाङले सर्लाहीमा हुलाकी सडक लामो समयदेखि अलपत्र अवस्थामा रहेको ’boutमा आफू जानकार रहेको बताउँदै तत्काल निर्माणको काम अघि बढाउन पहल गर्ने प्रतिवद्धता जनाउनु भएको छ ।

सडक निर्माणलाई गति दिन भन्दै जिल्लामा आन्दोलनका तयारी भइरहेका बेला मन्त्री नेम्वाङले सडकको अवस्था बुझ्नु भएको हो । उहाँले यथाशीघ्र बजेटको व्यवस्था गरी सडक निर्माणको काम अघि बढाउने आवश्वासन दिँदै आन्दोलनमा नउत्रिन आग्रह समेत गर्नुभयो । त्यस्तै जिल्ला समन्वय समिति सर्लाहीका सभापति मेथुर चौधरीले मन्त्री नेम्वाङलाई ज्ञापन पत्र बुझाउँदै सदरमुकाम मलङ्गवासँग जिल्लाका एक दर्जन भन्दा बढी पालिकालाई जोड्ने हुलाकी सडक जीर्ण हुँदा नागरिकले सास्ती पाएको भन्दै मन्त्री नेम्वाङको ध्यानार्षण गराउनु भएको थियो।

यस अघि पटक पटक भौतिक पुर्वाधार मन्त्री लाई गरिएको ध्यानाकर्षण र सर्लाहीका सांसदहरु द्वारा प्रतिनिधि सभामा हुलाकी सडकको ’boutमा लिएको अडानको कारण शनिवार हुलाकी राजमार्गको निरिक्षण तथा अनुगमन गरिएको क्षेत्र नं. १ का प्रतिनिधि सभा सदस्य प्रमोद साहले जानकारी दिनुभयो । सर्लाहीमै पहिलो पटक गरिएको ठुलो अनुगमन बाट जिल्ला वासी हुलाकी सडक निर्माणकार्य शुरु हुन्छ भन्ने विश्वसत भएको देखिन्छ । अनुगमनबाट पनि निकास नआएको खण्डमा सर्लाही वासीहरु तथा सम्पूर्ण राजनीति दलका नेतृत्वहरु माथी ठुलो प्रश्नवाचक चिन्ह खडा हुने भएकोले आफुहरु राजमार्ग निर्माण कार्य छिट्टै गर्न पहल गर्ने सांसद साहले बताए ।

आफुहरुको प्रयास पश्चात पनि राजमार्ग बन्न ढिला शुस्ती भए आउने दिनमा आफुहरु सशक्त रुपमा आन्दोलन समेत गर्ने संघिय सांसद साहले गर्नुभयो । त्यस्तै निरिक्षण कार्यक्रममा राष्ट्रिय जनता पार्टी नेपालको संयोजक तथा संघिय सांसद महेन्द्र राय, क्षेत्र नं. ४ का प्रतिनिधि सभा सदस्य डा.अमरेश कुमार सिंह,प्रदेश सांसदहरु, मन्त्रालयको सचिव, विभागको डि.जी., स्थानीय सरकार प्रमुख,प्रमुख जिल्ला अधिकारी मोहन बहादुर जिसि लगायत विभिन्न व्यक्तिहरुको उपस्थिति रहेको जिल्ला समन्वय समिति सभापति एवं हुलाकी सडक संघर्ष समिति संयोजक मेथुर चौधरीले बताउनुभयो ।

तपाइको प्रतिक्रिया
(Visited 318 times, 1 visits today)

Ads Space Available

epaper

भर्खरै

प्रधानमन्त्रीका लागि एमाले अध्यक्ष ओलीको दाबी पेस

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
स्थानीय तह निर्वाचनः कुन दलका कति आए जनप्रतिनिधि ?