काभ्रेपलाञ्चोक । अवरुद्ध रहेको बीपी राजमार्ग सञ्चालनमा आएको छ । बिहानदेखी स्थानीय बासिन्दाहरुले धुलिखेल स्थित बीपी राजमार्गको चौकोटमा सडक अवरुद्ध गरेका थिए ।

भोलीदेखि ठेकेदारले काम गर्ने गरी मौखिक सहमति भएपछि सडक खुलेको हो । चौकोटका स्थानीयले निर्माण गर्ने जिम्मा पाएको ठेकेदारले सडक पिच गर्ने समय तालिका सहितको प्रतिबद्धता जनाउन माग गर्दै बिहान ८ बजेदेखि सडक ठप्प पारेका थिए ।

नयाँ पिच गर्न भन्दा रातारात भएको पिच उप्काएको र पिच नगरको भन्दै स्थानीय आन्दोलनमा उत्रिएका हुन ।

जिल्ला समन्वय समिति काभ्रेका प्रमुख दिपक कुमार गौतम, काभ्रेका प्रहरी प्रमुख एसपी भाग्येन्द्र पुरुष ढकाल, स्थानीय बासिन्दा र ठेकेदारका प्रतिनिधिबीच भोलीदेखि सडकमा काम गर्ने सहमति भनेपछि अवरुद्ध सडक खुलेको हो ।