काठमाडौं । भोटेकोशी तटीय क्षेत्रमा हालै आएको विनाशकारी बाढीबाट प्रभावित नागरिकको खोज, उद्धार तथा राहतका लागि हिमालयन बुलियन कम्पनी लिमिटेडले १ करोड एक लाख रुपैयाँ आर्थिक सहयोग गरेको छ।

कम्पनीले बाढीका कारण भएको ठूलो मानवीय तथा धनजनको क्षतिप्रति गहिरो दुःख व्यक्त गर्दै प्राकृतिक विपत्तिमा परी ज्यान गुमाउने सम्पूर्ण नागरिकप्रति भावपूर्ण श्रद्धाञ्जली अर्पण गरेको छ। साथै, शोकसन्तप्त परिवारजनप्रति गहिरो समवेदना व्यक्त गर्दै घाइतेहरूको शीघ्र स्वास्थ्यलाभको कामना गरेको छ।

कम्पनीले पीडाको यस घडीमा बाढी प्रभावित परिवारसँग आफू सँगै रहेको जनाएको छ। मानवीय संवेदना र सहकार्यका साथ पीडितको घाउमा मल्हम लगाउनु सबैको साझा दायित्व भएको कम्पनीको भनाइ छ। बाढी प्रभावित नागरिकको खोज, उद्धार तथा तत्काल राहतका लागि कम्पनीले प्रधानमन्त्री दैवी प्रकोप उद्धार कोषमा गत भदौ ११ गते २१ लाख रुपैयाँ जम्मा गरिसकेको जनाएको छ।

यसका अतिरिक्त कम्पनीले थप ८० लाख रुपैयाँ सहयोग गर्ने घोषणा गरेको छ।

सम्बन्धित समाचार

सवारीसाधन उपलब्ध गराउन निर्माण व्यवसायीको अपिल आज पनि तोलामा तीन हजार ६०० रुपैयाँले बढ्यो सुन, कतिमा भइराखेको छ कारोबार ? उपभोक्ता कानून ल्याउन प्रदेश सरकारलाई नैतिक दवाव मोबाइलको कभर र सिसा फेर्दा पर्‍यो प्रहरीका सईलाई १० लाख रुपैयाँको करदाता प्रोत्साहन बम्पर उपहार गभर्नरको कार्यकाल तीन वर्षमा झारिँदै कांग्रेसको अनुशाषन समितिको बैठक बस्दै, देउवा पक्षधरलाई होला त कारबाही ? शुभशेर राई स्मृति प्रतिष्ठानद्वारा शिक्षक, विद्यार्थी पुरस्कृत, चारजना सम्मानित चालु आर्थिक वर्षको पहिलो ३४ दिनमा संकलन भयो एक खर्ब रुपैयाँ राजस्व