काठमाडौँ । भोटेकोशी नदीमा भदौ १० गते आएको बाढीपछि ८ वटा जलविद्युत् आयोजनामा कार्यरत सयौँ कर्मचारीसहितचार हजार बढी मानीश सम्पर्कविहीन रहेको नेपाल प्रहरीले जनाएको छ।

बाढीबाट प्रभावित क्षेत्रमा कार्यरत प्रहरी तथा विभिन्न सरकारी र वित्तीय संस्थाका कर्मचारीसमेत सम्पर्कविहीन छन्। नेपाल प्रहरीका केन्द्रीय प्रवक्ता अविनारायण काफ्लेका अनुसार भन्सार कार्यालयका १५, अध्यागमन कार्यालयका चार, आठवटा बैंक शाखाका २६ र लाङटाङ राष्ट्रिय निकुञ्जका तीन कर्मचारी सम्पर्कमा आउन सकेका छैनन्।

नेपाल प्रहरीका २५ कर्मचारी सम्पर्कविहीन भएको विवरण प्राप्त भएकामा तीन जना मृत अवस्थामा फेला परी पहिचानसमेत भइसकेको काफ्लेले जानकारी दिए।

जलविद्युत् आयोजनाका सुरुङभित्र फसेका कर्मचारी तथा कामदारको अवस्था पत्ता लगाउन खोज तथा उद्धार जारी छ। विशेष प्राविधिक तथा सुरक्षाकर्मीको टोलीले सुरुङभित्र प्रवेश गर्ने प्रयास गरिरहेको प्रहरीले जनाएको छ।

चार हजार ४७२ जना सम्पर्कविहीन
प्रहरीका अनुसार बाढीपछि विदेशी नागरिकसहित चार हजार ४७२ जना सम्पर्कविहीन रहेको विवरण प्राप्त भएको छ। तीमध्ये आन्तरिक तथा विदेशी गरी ७४५ पर्यटक छन्।

रसुवामा ५६२, सिन्धुपाल्चोकमा २२५, नुवाकोटमा ११५ र मकवानपुरमा ६५ जना सम्पर्कविहीन रहेको विवरण प्रहरीलाई प्राप्त भएको छ। काठमाडौँ उपत्यकामा ४८१ र कोशी प्रदेशमा १३८ जना सम्पर्कविहीन रहेको जनाइएको छ।

गोसाइँकुण्ड गाउँपालिकाका उपाध्यक्षसहित केही जनप्रतिनिधि पनि सम्पर्कविहीन रहेको जानकारी प्राप्त भएको प्रवक्ता काफ्लेले बताए।

टिमुरे र रसुवागढीमा खोजी जारी
बाढी प्रभावित क्षेत्रमा खोज, उद्धार तथा राहतका लागि नेपाल प्रहरीका सात हजार ८८९ जनशक्ति परिचालन गरिएको छ। टिमुरे, स्याफ्रुबेँसी र रसुवागढीमा पुरिएका संरचना तथा शवको खोजी भइरहेको छ।

प्रहरीका अनुसार बाढी प्रभावित जिल्लामा ७३५ शव फेला परेका छन्। पहिचान खुल्न नसकेका केही शवको अन्तर्राष्ट्रिय मापदण्डअनुसार अस्थायी व्यवस्थापन गरिएको छ।

सम्बन्धित समाचार

उद्धारका लागि ड्रोन उडाउन अनुमति लिनु नपर्ने भूकम्पपछि हिमपहिरो फुट्दा बाढी आएको प्रारम्भिक सूचना: परराष्ट्र मन्त्री नेपालको छोचेन र पुरेपु साङपो नदीमा कृतिम ताल बनेको छ, ३ दिनमा फुटन् सक्छ : चिनियाँ जलस्रोत मन्त्रालय बाढीमा ज्यान गुमाएका १०२ जनाको डीएनए परीक्षण र पहिचान प्रक्रिया सुरु प्रहरी प्रधान कार्यालयलाई नेपाल चेम्बरले दियो १७ वटा सर्भिलेन्स ड्रोन रसुवा बाढी : मृतकको संख्या ५५३ पुग्यो, १४ सय ७३ जनाको उद्धार, २ हजार बढी अझै बेपत्ता भोटेकोशीमा बाढीको जोखिम कायमै भोटेकोसी-त्रिशूली बाढीमा ज्यान गुमाउनेकाे संख्या ६६९ पुग्याे