काठमाडौं । अभिनेत्री दिपाश्री निरौलाले निर्देशन गरेको चलचित्र छक्का पञ्जा ५ को एउटा गीत सार्वजनिक हुँदा अहिले उनलाई नै दर्शकले घोचपेच गरेका छन् । यसलाई उनले रमाईलो सँयोग भनेकी छिन । आफु अविवाहित भएकाले केही दर्शकले रमाईलो गरेको उनको ठम्याई छ ।

यो चलचित्रको गीत ‘विहे भाको छैन म हे कुमार पनि हैन म, जबदेखि तिम्लाई देखेँ आफु मात्र रैन म…’ गीतको भिडियो सोमबार मात्र ओएसआर डिजिटलबाट सार्वजनिक भएको हो । यो गीतको भिडियोले रिलिज भएको तेश्रो दिनसाँझसम्म १७ लाख भन्दा बढी भ्युज दर्शकबाट पाएको छ ।

दिपकराज गिरी र वर्षा सिवाकोटीको प्रेम सम्बन्ध यो गीतको भिडियोमा देखाईएको छ । गीतलाई दिपक शर्मा र दीपकराज गिरीले लेखेका हुन भने यसमा संगीत दिपक शर्माको छ । गीतलाई सविन सुवेदी र वेनिशा पौडेलले गाएका हुन् । आफुले निर्देशन गरेको चलचित्र छक्का पञ्जा ५ को यो गीतको भिडियोमा दीपालाई दर्शकले विभिन्न टिप्पणी गरेका छन् । हालसम्म अविवाहित रहेकी दिपाले आफ्नो जीवनसँग मिल्दो गीत चलचित्रमा राखेको टिप्पणी दर्शकहरुले भिडियोमा गरेका छन्,‘दीपाश्रीलाई सुहाउँदो शब्द रहेछ, विहे भाको छैन म…’ यस्ता थुप्रै टिप्पणी गीतको भिडियोमा छ । अहिलेसम्म दुई हजार भन्दा बढीले भिडियोमा टिप्पणी गरेका छन् । जसमा केही टिप्पणी भने दिपाश्रीको विवाह नभएको कुरालाई लक्षित गरिएको छ ।

तर पनि आफ्नो विवाहको ’bout चिन्ता व्यक्त गर्नुलाई दीपाश्रीले दर्शकको मायाको रुपमा लिएकी छिन् । आगामी फुलपाति २४ कात्तिकबाट रिलिज हुने यो चलचित्रलाई दर्शक त्यतिकै मायाँ दिने यी निर्देशकको कथन छ ।