खोटाङ । दिक्तेलमा ‘जैविक विविधता तथा रेडपाण्डा–थार अन्तर्राष्ट्रिय सम्मेलन–२०८३’ ले जैविक विविधता संरक्षण, दिगो विकास र पर्यापर्यटन प्रवद्र्धनको प्रतिबद्धतासहित सात बुँदे जारी गर्दै ‘दिक्तेल घोषणापत्र–२०८३’ सम्पन्न भएको छ । वैशाख ४ देखि ६ गतेसम्म सञ्चालित यस तीन दिने सम्मेलनमा नेपाल, भारत, भुटान, बङ्गलादेश, अमेरिका, अष्ट्रेलिया र जर्मनीका प्रतिनिधिहरूले दशवटा विषयगत कार्यपत्र प्रस्तुत गरे ।

घोषणापत्रमा स्थानीय समुदायको सहभागितामा वनजङ्गल, बाँस–निगालो र जैविक मार्गको दिगो व्यवस्थापन गर्ने, लोपोन्मुख प्रजाति रेडपाण्डा र थारको विशेष संरक्षण कार्यक्रम सञ्चालन गर्ने, मुन्दुम ट्रेलसँग जोडिएको रेडपाण्डा–थार पदमार्ग विकास गरी पर्यापर्यटन प्रवद्र्धन गर्ने र समुदायमा आधारित होमस्टे तथा स्थानीय पथप्रदर्शक उत्पादन कार्यक्रम सञ्चालन गर्ने प्रतिबद्धता जनाइएको छ ।

यसका साथै मानव–वन्यजन्तु द्वन्द्व व्यवस्थापनका लागि पूर्व सूचना प्रणाली, सामुदायिक बीमा र द्रुत प्रतिकार्य टोली स्थापना गर्ने र जलवायु परिवर्तनको जोखिम न्यूनीकरणका लागि परम्परागत ज्ञानलाई आधुनिक प्रविधिसँग जोड्ने विषय पनि घोषणापत्रमा समावेश छन् ।

नगरप्रमुख तीर्थराज भट्टराईले यस सम्मेलनले राष्ट्रिय नीति निर्माणमा महत्वपूर्ण भूमिका निर्वाह गर्ने र स्थानीय स्वरोजगार तथा पर्यटन प्रवद्र्धनमा टेवा पुग्ने अपेक्षा व्यक्त गर्नुभयो। दिक्तेल रुपाकोट मझुवागढी नगरपालिकाको मुख्य आयोजनामा कोशी प्रदेश सरकार, राष्ट्रिय निकुञ्ज तथा वन्यजन्तु संरक्षण विभाग र त्रिभुवन विश्वविद्यालयको सहकार्यमा सम्मेलन सम्पन्न भएको हो ।

सम्बन्धित समाचार

काभ्रेको संस्कृति फार्म एण्ड रिसर्च सेन्टरलाई २० लाखको रोटरी अवार्ड विशिष्ट पदाधिकारी तथा कर्मचारीको इन्धन सुविधा व्यापक कटौती गर्ने निर्णय बुङालुङ पार्कमा बहुसांस्कृतिक संग्राहलय जिसस खोटाङद्वारा १९ जना सम्मानित ‘श्रम स्वीकृति’सम्बन्धी भ्रामक सूचना हटाउन वैदेशिक रोजगार विभागको निर्देशन धनकुटामा १३ फिट लामो राजगोमन सर्पको उद्दार इतिहासमै पहिलोपटक सबै मन्त्रीको सम्पत्ति सार्वजनिक आज नयाँ वर्षः हर्षोल्लासका साथ मनाइँदै