काठमाडौं । राष्ट्रिय सभामा नेपाली कांग्रेस संसदीय दलको नेतामा कमला पन्त चयन भएकी छन्।

बुधबार कांग्रेस संसदीय दलका नेता भीष्मराज आङदेम्बेले पन्तलाई राष्ट्रिय सभा संसदीय दलको मनोनित गरेका हुन्। यसअघि राष्ट्रिय सभामा कांग्रेस संसदीय दलको नेतामा कृष्ण सिटौला रहेका थिए। आङदेम्बेले सिटौलालाई हटाएर पन्तलाई नेता चयन गरेका हुन्।

कांग्रेसमा संसदीय दलका नेताले राष्ट्रिय सभा संसदीय दलको नेता मनोनित गर्ने व्यवस्था रहेको छ। यसअघि सिटौलालाई तत्कालीन संसदीय दलका नेता शेरबहादुर देउवाले राष्ट्रिय सभामा संसदीय दलको नेता मनोनित गरेका थिए।

त्यस्तै, प्रतिनिधि सभाको उपनेतामा अभिषेक प्रताप शाह चयन भएका छन्। संसदीय दलका नेता आङदेम्बेले शाहलाई उपनेता मनोनित गरेका हुन्।

यसैगरी, आङदेम्बेले प्रतिनिधि सभामा संसदीय दलको मुख्य सचेतकमा बासना थापा र सचेतकमा निश्कल राईलाई मनोनित गरेका छन्।

सम्बन्धित समाचार

प्रधानमन्त्री शाहले बोलाए मन्त्रिपरिषद् बैठक सरकारले सम्पत्ति जाँचबुझ आयोग गठन गर्ने निर्णय पूर्वमन्त्री खड्कालाई रिहा गर्न सर्वोच्चकोआदेश राज्य व्यवस्था समितिको सभापतिमा ढकाल विद्यार्थी संगठन र कर्मचारी युनियनका संरचना तत्काल हटाउन प्रधानमन्त्रीको निर्देशन प्रधानमन्त्री शाहले बोलाए मन्त्रिपरिषद् बैठक संसदमा अब दोहोरिने छैन ‘जबरा नियति’ पत्रकारका लगानीमा निवर्तमान गृहमन्त्री गुरुङको प्रश्न