काठमाडौँ । नेपाली काँग्रेसले क्रियाशील सदस्यता व्यवस्थापन तथा अद्यावधिक प्रक्रियालाई व्यवस्थित बनाउन पुनः कार्यतालिका सार्वजनिक गरेको छ।पार्टी केन्द्रीय कार्यालय सानेपाबाट जारी गरिएको कार्यतालिकाअनुसार विभिन्न प्रकारका सदस्यता सम्बन्धी कामहरू आगामी असार २० गतेसम्म सम्पन्न गरिनेछ।

कार्यतालिकामा गत जेठ २८ गतेपछि क्रियाशील सदस्यता अद्यावधिक गर्न छुटेका सदस्यहरूले स्वयं अद्यावधिक गर्न पाउने व्यवस्था गरिएको छ। त्यस्तै, नवीकरण नभएका क्रियाशील सदस्यताको नवीकरण, नयाँ क्रियाशील सदस्यता वितरण तथा १४औँ महाधिवेशनमा स्थगन भएका सदस्यताको व्यवस्थापनसम्बन्धी काम पनि असार २० गतेसम्म सम्पन्न गरिने काँग्रेसले जनाएको छ।

काँग्रेसले नेपाली जनसम्पर्क समितिहरूका सदस्यताको अद्यावधिक तथा नयाँ वितरण र काँग्रेससँग समाहित भएका तथा पार्टी प्रवेश गरेका सदस्यहरूको सदस्यता व्यवस्थापनको कामसमेत सोही अवधिभित्र टुङ्ग्याउने भएको छ।

कार्यतालिकामा उल्लेख भएअनुसार अद्यावधिक भएका सदस्यहरूको विवरण रुजु गर्ने काम भने असार महिनाभर सञ्चालन हुने काँग्रेसले जनाएको छ।

सम्बन्धित समाचार

प्रतिनिधिसभा बैठक सञ्चालनमा ढिलाइ निर्देशनालय र तालिम केन्द्र खारेज गर्ने कर्णाली प्रदेश सरकारको निर्णय कांग्रेस क्रियाशील सदस्यता वितरणको म्याथ थपियो बाल लडाकु मुद्दामा ‘प्रचण्ड–बाबुराम’लाई ‘क्लिन चिट’ प्रतिनिधिसभामा असार १ र २ गते मन्त्रालयगत विनियोजन शीर्षकमाथि छलफल हुने रास्वपा प्रथम महाधिवेशनः महाधिवेशन स्थल निर्माण तीव्र सुशासन र वित्तीय अनुशासनका लागि तीत ‘कडा’ विधेयक ल्याइँदै मौलापुरलाई डिस्टर्ब न गर्न सामान्य प्रशासनमन्त्री प्रतिभा रावललाई मेयर रिना साहको चेतावनी