धनगढी । कैलालीको लम्कीचुहा नगरपालिका–३ स्थित गोरङ्गे ब्यारेकमा सैन्य तालिमका क्रममा आज बिहीवार बिहान ग्रेनेड विस्फोट हुँदा एक सैनिकको मृत्यु भएको छ भने एक जना सह–सेनानी गम्भीर घाइते भएका छन् ।

ब्यारेकभित्र तालिम चलिरहेका बेला अकस्मात ग्रेनेड विस्फोट भएको थियो । विस्फोटमा घाइते भएका दुवै सैनिकलाई तत्काल उपचारका लागि लम्कीस्थित लालरत्न अस्पताल लगिएको थियो । उपचारकै क्रममा हुद्दा हिमालबिक्रम बिष्टको मृत्यु भएको अस्पताल स्रोतले जनाएको छ ।

घाइते सह–सेनानी हेमराज जोशीको अवस्था गम्भीर रहेकाले थप उपचारका लागि हेलिकप्टरमार्फत काठमाडौं पठाउने तयारी भइरहेको सैनिक स्रोतले जानकारी दिएको छ ।

विस्फोटको कारण’bout नेपाली सेनाले औपचारिक रूपमा कुनै जानकारी सार्वजनिक गरेको छैन । घटना’bout विस्तृत अनुसन्धान सुरु गरिएको बताइएको छ ।

घटनापछि गोरङ्गे ब्यारेक क्षेत्रमा सुरक्षा सतर्कता बढाइएको छ भने सेनाले विस्फोटको वास्तविक कारण पत्ता लगाउन आवश्यक छानबिन अघि बढाएको जनाएको छ ।

सम्बन्धित समाचार

पश्चिमी न्यून चापीय रेखाको प्रभावः देशका विभिन्न भागमा वर्षा हुने टेम्पो भीरबाट खसाल्ने १२ वन कर्मचारी प्रहरी नियन्त्रणमा सरकार फेरिएपिच्छे चेपुवामा प्रशासकीय अधिकृत राष्ट्रपतिद्वारा मच्छिन्द्रनाथको भोटो अवलोकन (फोटोफिचर) पानीमा डुबेर ४ बालिकासहित ५ को मृत्यु स्थानीय तहको संख्या घटाइने, नगरपालिका थपिँदै भीमफेदी–बैदमार जीप दुर्घटनामा इन्जिनियरसहित चालकको मृत्यु पूर्व बैंकर रेशम थापाको कार दुर्घटनामा निधन