काठमाडौं । प्रतिनिधिसभाको बैठक स्थगित भएको छ । एमाले सांसद राजेन्द्र राईको अभिव्यक्तिले विवाद भएपछि सभामुखले १५ मिनेटका लागि बैठक स्थगित गरेका हुन् ।

सांसद राईले बोल्ने क्रममा सभामुखलाई तपाईँ कान सुन्नुहुन्छ कि हुन्न ? भनेर सोधेपछि विवाद उत्पन्न भएको थियो । यो अभिव्यक्तिप्रति आपत्ति जनाउँदै सभामुखले राईलाई बोल्न समय दिएनन् ।

सभामुखले राईलाई बोल्न रोकेपछि एमालेका सांसदहरूले उठेर विरोध जनाए। सत्तारुढ दलकी सांसद ज्वाला सङ्ग्रौलाले पनि राईको अभिव्यक्ति रेकर्डबाट हटाउन माग गरिन्।

त्यसपछि सभामुखले माफी मागेर आफ्नो भनाइ सच्च्याउन भन्दै राईलाई दोस्रो पटक बोल्न समय दिए। तर, उनले सभामुखको भूमिकामाथि नै प्रश्न उठाउँदै ५ वर्ष सदन चलाउन नसक्ने बताइदिए।

‘तपाईँले ५ वर्ष सदन चलाउन सक्नुहुन्न, मैले खुट्टी हेरिसकेँ, तपाईँले कुरा सुन्न पर्दैन ?’ भन्दै प्रश्न गरेपछि सभामुखले बैठक रोके।

सम्बन्धित समाचार

रास्वपाको पदाधिकारी निर्वाचन कार्यतालिका सार्वजनिक, मध्यरातमा मतपरिणाम प्रतिनिधिसभाको बैठक शनिबार रास्वपा महामन्त्रीको निर्वाचन रोचक मोडमा : रञ्जुको समर्थन विपिनलाई निर्वाचित पदाधिकारी तथा केन्द्रीय सदस्यहरूको शपथ आजै हुने प्रतिनिधिसभाको बैठक स्थगित रास्वपा पदाधिकारी चयनका लागि सकियो मतदान संवैधानिक परिषद्को बैठक बस्दै कर्णाली दुर्घटनाको विषयमा रास्वपाकै सांसदले मागे गृहमन्त्रीसँग जवाफ