धनगढी । धनगढी उपमहानगरपालिकाले सामुदायिक विद्यालयका विद्यार्थीलाई गुणस्तरीय तथा पोषणयुक्त दिवा खाजा खुवाउन नेपालमै काठमाडौं उपत्यकापछि पहिलो एकीकृत भान्साघर सञ्चालनमा ल्याएको छ ।

साउन १ गतेदेखि सञ्चालनमा आउने भान्साघरबाट वडा नम्बर १ देखि ८ सम्मका २१ वटा सामुदायिक विद्यालयका करिब ४ हजार विद्यार्थी लाभान्वित हुनेछन् ।

शनिबार आयोजित कार्यक्रममा धनगढी उपमहानगरपालिका–७ का वडा अध्यक्ष मोती राना थारू ले भान्साघरको उद्घाटन गरे ।

उपमहानगरका अनुसार बालविकासदेखि कक्षा ५ सम्मका ३ हजार ७९५ विद्यार्थीले नियमित रूपमा यही भान्साघरमा तयार गरिएको दिवा खाजा पाउनेछन् । त्यस्तै सरस्वती आधारभूत विद्यालय, शान्तिनगरका कक्षा ८ सम्मका सबै विद्यार्थीलाई पनि दिवा खाजा उपलब्ध गराइनेछ ।

धनगढी–७ स्थित नवज्योति आधारभूत विद्यालय मिलान पछि खाली भएका दुई भवन र करिब २ कठ्ठा जग्गामा भान्साघर स्थापना गरिएको छ ।

यसका लागि उपमहानगरले पूर्वाधार, भवन मर्मत, भान्सा सामग्री र ढुवानीमा १ करोड ३७ लाख रुपैयाँ लगानी गरेको छ । विश्व खाद्य कार्यक्रमको ८६ लाख सहयोगसहित परियोजनाको कुल लागत २ करोड २३ लाख रुपैयाँ पुगेको छ ।

उपमहानगरको विश्वास छ, यसले विद्यार्थीको पोषण अवस्था सुधार, स्वास्थ्य संरक्षण र सिकाइ उपलब्धिमा सकारात्मक प्रभाव पार्नेछ ।

कार्यक्रममा नगरप्रमुख गोपाल हमाल, प्रमुख प्रशासकीय अधिकृत जनक भट्ट, कार्यपालिका सदस्य, वडा अध्यक्षहरू र दिवा खाजा व्यवस्थापनको जिम्मा लिएको फुड फर लाइफ संस्थाका प्रतिनिधि उपस्थित थिए ।

सम्बन्धित समाचार

घोडाघोडी सिमसार क्षेत्रमा सूचक प्रजाति हरिहाँसको गणना सुरु राष्ट्रिय धान दिवस: ६० वर्षमा कृषकका खेतमा ७० जातका धान सांसदका काम र व्यवहार जनताले नियालिरहेका हुन्छन्ः सभामुख असार १५ मा टोखामा रोपाइँ महोत्सव (फोटोफिचर) फुटबल संस्कृतिमा बाँचेको ‘केप भर्डे’ विदेशी भूमिमा जीवनसँग लड्दै गरेकी नरमाया अन्ततः घरदेश फर्किइन् गोल गर्न किन कहिल्यै चुक्दैनन् हालान्ड ? आफ्नै जिल्लामा बजेटको वर्षा, सुदूरपश्चिम सरकारमाथि स्रोत–साधन दुरुपयोगको आरोप