काठमाडौं । मोरङ जिल्लाको बुढिगंगा गाउँपालिका–१ टंकी सिनवारी र सीमा इलाकाबाट सशस्त्र प्रहरीले १४ लाख ८६ हजार ४ सय ८० रुपैयाँबराबरको चोरीपैठारीको सामान र एक जना व्यक्तिलाई नियन्त्रणमा लिएको छ ।

सोमबार भारतबाट अवैधरुपले नेपालतर्फ ल्याउँदै गरेको सामानसहित सोही जिल्लाको विराटनगर महानगरपालिका–१७ रानीबस्ती बस्ने ३२ वर्षीय मोहमद अफजललाई सशस्त्र प्रहरी बल नेपाल नम्बर ३ कंकालिनी गण मोरङ र सीमा सुरक्षा गुल्म रानीले नियन्त्रणमा लिएको हो ।

बरामद भएका सामानमा लत्ताकपडा, कस्मेटिक तथा किराना सामान, औषधी, सिटी सफारी र स्कुटर छन् । नियन्त्रणमा लिइएका व्यक्ति, बरामद सामान तथा स्कुटर आवश्यक कारबाहीका लागि विराटनगर भन्सार कार्यालय मोरङमा बुझाइएको सशस्त्र प्रहरीले जनाएको छ ।

सम्बन्धित समाचार

गणेश नेपाली मृत्यु प्रकरण : तीन जना नगर प्रहरी पक्राउ ओमानमा ड्रोन आक्रमण नेपाल दूरसञ्चार प्राधिकरणको अध्यक्षमा अर्जुन घिमिरे जमुनाह नाकाबाट स्रोत नखुलेको पाँच लाख बरामद महिला उद्यमीका समस्या समाधान गर्न सरकार प्रतिबद्ध छः प्रधानमन्त्री शाह वैदेशिक रोजगार कसुर मुद्दामा फरार दुई प्रतिवादी पक्राउ च्याउ खोज्न जंगल गएका १४ महिला बेपत्ता बाढी–पहिरोले पाँच प्रमुख राजमार्ग अवरुद्ध