बारा । बारा जिल्ला सँग सिमाना जोडिएको भारतको बिहार राज्य अन्तर्गत पूर्वी चम्पारणको घोडासहन क्षेत्रमा प्रहरीले अन्तर्राष्ट्रिय लागूऔषध तस्करी सञ्जालविरुद्ध ठूलो सफलता हासिल गरेको छ। नेपालबाट भारततर्फ तस्करी हुँदै गरेको करिब ६किलो ५९० ग्राम अफिम शनिवार साँझ बरामद गर्दै प्रहरीले नेपाल र बिहारका दुई महिलालाई पक्राउ गरेको हो।

प्रहरीका अनुसार नेपालबाट मुजफ्फरपुरतर्फ जाँदै गरेको यात्रुबाहक बसमा घोडासहन बस स्ट्यान्डमा गरिएको सघन जाँचका क्रममा ९ वटा छुट्टाछुट्टै प्याकेटमा लुकाइराखिएको उक्त अफिम बरामद गरिएको हो। बरामद अफिमको अन्तर्राष्ट्रिय बजार मूल्य करिब ५० लाख भारतीय रुपैयाँ रहेको जनाइएको छ। पक्राउ पर्नेमा बिहारको सुगौली निवासी सीमा देवी र नेपालको बारा जिल्ला कलैया बैराठपुर निवासी बदामी देवी रहेको भारतीय प्रहरीले जनाएको छ। 

प्रहरीको प्रारम्भिक अनुसन्धानका क्रममा दुवैले लागूऔषध ओसारपसारमा संलग्न रहेको स्वीकार गरेको भारतीय सञ्चारमाध्यमहरूले जनाएका छन्। उनीहरूले नेपालबाट मोतिहारी हुँदै मुजफ्फरपुर पुर्‍याउने योजनाअनुसार अफिम बोकेको खुल्न आएको छ।

घटनापछि प्रहरीले तस्करी सञ्जालका मुख्य योजनाकार तथा मुजफ्फरपुरस्थित रिसिभरको खोजी तीव्र पारेको जनाएको छ। मोतिहारी प्रहरीले पछिल्लो समय नेपाल–भारत सीमा क्षेत्रमा लागूऔषध तस्करी नियन्त्रणका लागि निगरानी र चेकजाँच थप कडा बनाउँदै आएको छ।

सम्बन्धित समाचार

आम महिला मोर्चाको केन्द्रीय अध्यक्षमा कुमारी बबिता सर्लाहीमा आत्मदाहको प्रयास गरेका विवेक मण्डलको मृत्यु खान अयोग्य मिठाई विक्री गर्ने वीरगन्जका ३ पसल दण्डित आर्थिक गतिविधि विस्तारमार्फत जिडिपी बढाउने मधेसको योजना मधेसमा ‘बफर’ कोटाको रसायनिक मल वितरण सुरु मधेसका अधिकांश जिल्लामा धान रोपाइँ अन्तिम चरणमा सरकार बदलियो तर देशको सिच्युएशन बदलिएन : प्रभु साह एक बर्षमा १८७ कुपोषित बच्चाको सफल उपचार