काठमाडौं । निर्वाचन आयोगले नेकपा एमालेबाट निर्वाचित ६ जना स्थानीय तहका जनप्रतिनिधिको पद रिक्त भएको घोषणा गरेको छ । आयोगले आज शुक्रबार सूचना प्रकाशित गर्दै राजनीतिक दलसम्बन्धी ऐनअनुसार दल त्याग गरेको पाइएकाले उनीहरूको पद स्वतः रिक्त भएको जनाएको हो । पद रिक्त हुनेमा मेयरदेखि वडा सदस्यसम्म छन् ।

आयोगले २०७९ सालको स्थानीय तह निर्वाचनमा एमालेबाट निर्वाचित ती प्रतिनिधिले पार्टीको विधान प्रतिकूल कार्य गरी दल त्याग गरेको भनी एमाले केन्द्रीय सचिवालयले जानकारी गराएपछि यस्तो निर्णय गरिएको जनाएको छ ।

पद रिक्त हुनेमा रौतहटको देवाही गोनाही नगरपालिकाकम मेयर प्रेमलाल साह, मोरङको बेलबारी नगरपालिका–३ का वडाध्यक्ष योगेन्द्रप्रसाद सुवेदी, जाजरकोटको भेरी नगरपालिका–१० का वडाध्यक्ष दलबहादुर राना, खोटाङको दिक्तेल रुपाकोट मझुवागढी नगरपालिका–१४ का वडाध्यक्ष दिनेशकुमार राई, रौतहटको देवाही गोनाही नगरपालिका–४ का वडाध्यक्ष रामप्रवेश प्रसाद कुर्मी र खोटाङको खोटेहाङ गाउँपालिका–४ का वडासदस्य प्रदीप आचार्य छन् ।

सम्बन्धित समाचार

श्रीलंका भ्रमण सफलतापूर्वक सम्पन्न गरी प्रचण्ड स्वदेश फिर्ता देउवाको सन्देशः ‘लोकतन्त्रमाथि दबाब सिर्जना गर्ने प्रवृत्ति स्वीकार्य छैन’ जलवायु परिवर्तनविरुद्ध सङ्कल्प गर्न ‘ग्रिन रन’ आयोजना : सभापति थापा चीन भ्रमणमा जाँदै रवि लामिछाने, मिति टुंगो लाग्न बाँकी सर्वोच्चका ३ न्यायाधीशलाई राजीनामा दिन दबाब, महाभियोगको धम्की ! अनसनरत डा. केसीसँग आजवाट औपचारिक रूपमा सरकारले बार्ता गर्ने कांग्रेस सभापति थापाले स्थगित गरे भारत भ्रमण प्रधानमन्त्री शाह र सरकारको सम्बन्धमा समीक्षाको विन्दुमा रास्वपा पुगिसकेको छैन : सभापति लामिछाने