काठमाडौं । अख्तियार दुरुपयोग अनुसन्धान आयोगले भूमि प्रशासन कार्यालय लगनखेलमा कार्यरत कर्मचारी तथा लेखापढी व्यवसायीले रु तीन लाख घुस मागेको भन्दै पाँच जनालाई शुक्रबार नियन्त्रणमा लिएको छ।

सो कार्यालयका नायबसुब्बा उत्तम कुँवर, विशाल सुन्दास, राजकुमार मगर र लेखापढी व्यवसायी शैलेन्द्र रानामगर र समीर कटवालसमेतको मिलेमतोमा जग्गाको बकसपत्र गराउने कामका लागि दु:ख हैरानी दिई सेवाग्राहीसँग रु तीन लाख घुस/रिसवत माग गरेको भन्ने सूचना तथा उजुरीका आधारमा निजहरूलाई नियन्त्रणमा लिइएको आयोगले जनाएको छ।

आयोगका प्रवक्ता सुरेश न्यौपानेले आयोगको टोलीले रु तीन लाख घुस/रिसवतबापतको रकम र स्रोत नखुलेको रु २४ हजार ८९० सहित ललितपुर महानगर वडा नं ४ स्थित एक होटलबाट शुक्रबार नियन्त्रणमा लिएर थप अनुसन्धान भइरहेको जानकारी दिए।

सम्बन्धित समाचार

फ्रान्सलाई ६–४ गोलले हराउँदै इंग्ल्यान्ड बन्यो तेस्रो परम्परागत सीपको संरक्षणमा जोड दिँदै हेटौँडा उपमहानगर रौतहट प्रहरीको एक वर्षः ४४८ फरार प्रतिवादी पक्राउ प्रधानमन्त्रीले पुँजी बजार र बीमा क्षेत्रका सरोकारवालासँग छलफल गर्दै संसदीय सुनुवाइ समितिको बैठक बस्दै, यस्ता छन् कार्यसूची प्रस्तावित निर्वाचन आयुक्तहरूको सुनुवाइ साउन १२–१३ मा उच्च अदालत विराटनगरले तीन हजार ५८ मुद्दा फैसला गर्न सकेन जापानमा राजपरिवारसम्बन्धी कानुनमा ठुलो परिवर्तन