राजधानी समाचारदाता
राजविराज । डान्सर खुश्वुपालको हत्या आरोपमा सप्तरीको बोदेबरसाईन नगरपालिका १ महनौरी टोलका २० बर्षीय गजेन्द्रनाराण यादव पक्राउ परेका छन् । अघिल्लो दिन साँझ गाउँबाट पक्राउ परेका उनलाई बुधबार सप्तरी जिल्ला अदालतबाट ज्यानसम्बन्धी कसुरमा म्याद थपेर आवश्यक अनुसन्धान भइरहेको प्रहरीले जनाएको छ ।

जिल्ला प्रहरी कार्यालय सप्तरीका प्रवक्ता प्रहरी नायब उपरीक्षक हेमराज घिमिरेका अनुसार ९ महिना अघि २०८२ मंसिर ११ गते राती ११ बजेतिर गाउँमै आयोजित एक बैबाहिक समारोहमा १४ बर्षीया खुश्वु डिजेबाला गाडीमा नृत्य गर्दै थिइन् ।

शम्भुनाथ नगरपालिका ३ निवासी उनी गाउँकै चर्चित नृत्यांङ्गना हुन । नृत्य गर्दैगर्दा अचानक अत्याधिक मादक पदार्थ सेवन गरेका यादव सो गाडीमा चढी खुश्वु संग अभद्र व्यवहार गरेका थिए । सोही क्रममा प्रतिवाद गर्दा यादवले खुश्वुलाई धक्का दिएका थिए । जसकारण गाडीमै चलिरहेको जेनरेटरमा खुश्वुको टाउको ठोकिन पुगेको थियो ।

टाउकोमा गम्भिर चोट लागेका खुश्वुलाई तत्कालै उपचारका लागि स्थानिय गजेन्द्रनारायण सिंह अस्पताल पुर्याइएकोमा त्यहाँ उपचार सम्भव नभएपछि विराटनगर स्थित न्यूरो अस्पताल पु-र्याइएको थियो । त्यहाँ पनि स्वास्थ्य अवस्थामा सुधार नआएपछि खुश्वुलाई थप उपचारका लागि काठमाडौं स्थित किर्तिपुर अस्पताल लगिएको थियो ।

केही दिनको उपचारपछि स्वास्थ्य अवस्थामा सुधार देखिएपछि २०८२ पुष ४ गते डिसचार्ज गरी ल्याउँदै गर्दा बाटोमा पुनः स्वास्थ्य अवस्था बिग्रिएको र सिरहाको लहान स्थित प्रादेशिक अस्पतालमा भर्ना गराएकोमा सोही दिन खुश्बुको मृत्यू भएको थियो ।

घट्नापछि फरार रहेका यादवको खोज तलाश कार्य जारी राखेकै बेला मंगलबार साँझ गाउँघरमै लुकी बसेको अवस्थामा उनलाई पक्राउ गरिएको प्रहरी नायब उपरीक्षक घिमिरेले जानकारी दिए । मृतकका दाजु सुरज पालको जाहेरीले इलाका प्रहरी कार्यालय करेडबोनामा उनी माथि ज्यान सम्बन्धि कसुरमा मुद्दा दर्ता भएको जिल्ला प्रहरी कार्यालय सप्तरीले जनाएको छ ।

सम्बन्धित समाचार

सामाजिक सद्भाव कायम गर्न आग्रह उच्च अदालत वीरगञ्जको २९ प्रतिशत मुद्दा फछ्र्योट गर्न बाँकी रौतहटमा हजुरआमाको हत्या आरोपमा नाति पक्राउ पर्सामा पनि हटाइयो निषेधाज्ञा गढन्ता खोलाको बाढीले बगाउँदा एक जनाको मृत्यु भुक्तानीको चक्करले घण्टाघरका घडी धर्म छोड्दै चन्दा उठाएर बेसहारा खातुनलाई नयाँ जीवन दिने प्रयास बन्दीपुरमा ट्याक्टर दुर्घटना हुँदा १५ जना घाइते