माईखोलामा झोलुङ्गे पुलः स्थानीयवासी खुसी

काठमाडौं । इलाम नगरपालिका–८ र १० जोड्ने माईखोलास्थित काइलाटारमा झोलुङ्गे पुल निर्माण भएपछि स्थानीयवासीलाई आवतजावतमा सहज भएको छ।

कोशी प्रदेश सरकारको लगानीमा आर्थिक वर्ष २०८२÷८३ मा निर्माण सम्पन्न भएको उक्त पुल १७९ मिटर लामो छ। पुल निर्माणमा रु ८४ लाख ७१ हजार ४६० खर्च भएको पूर्वाधार विकास कार्यालय, इलामले जनाएको छ।

पूर्वाधार विकास कार्यालय, इलामका प्रमुख रञ्जय सिंहका अनुसार तिल्केनी–सिलपुर सडकअन्तर्गत काइलाटारमा पुल निर्माण भएपछि माईखोलाका वारिपारिका बस्तीबीच आवतजावत सहज भएको छ।

पुल निर्माण हुनुअघि वर्षायाममा माईखोला वारपार गर्न स्थानीयलाई राजदुवाली वा सिमलगोलाईको बाटो हुँदै घुमेर जानुपर्ने बाध्यता थियो। पुल बनेपछि घण्टौँको यात्रा गर्नुपर्ने बाध्यता हटेको स्थानीय सन्तोष गोलेले बताए ।

उनका अनुसार हिउँदयाममा खोला तरेर वारपार गर्न सहज भए पनि वर्षायाममा नजिकैका स्थानमा पुग्नसमेत लामो बाटो घुम्नुपर्ने अवस्था थियो। पुल बनेपछि उक्त समस्या समाधान भएको उनले बताए ।

झोलुङ्गे पुल निर्माणसँगै क्षेत्रमा घुमघाम, तस्बिर खिच्न तथा टिकटक बनाउन आउनेको सङ्ख्यासमेत बढ्न थालेको स्थानीयको भनाइ छ।

इलाम नगरपालिका–८ का वडाध्यक्ष दलमान तामाङका अनुसार मेची राजमार्गअन्तर्गत इलाम–राजदुवाली सडकखण्ड पहिरोका कारण अवरुद्ध भएपछि उक्त पुल हुँदै दुईचक्के सवारीसाधनको आवागमनसमेत बढेको छ।

“अहिले यही बाटो भएर दैनिक सयौँको सङ्ख्यामा मोटरसाइकल चल्न थालेका छन्,” वडाध्यक्ष तामाङले भने, “इलाम–राजदुवाली सडक बन्द रहेकाले सदरमुकामबाट मेची राजमार्ग जोड्ने छोटो दूरीको सडक भएकाले दुईचक्के सवारीका लागि यो उपयुक्त विकल्प बनेको छ।”

उनका अनुसार तिल्केनी–सिमलगोलाईको बाटो लामो दूरीको भएकाले दुईचक्के सवारीसाधनले काइलाटार हुँदै जाने सडकलाई वैकल्पिक मार्गका रूपमा प्रयोग गर्न थालेका छन्।

तिल्केनी–सिलपुर सडक इलाम नगरपालिका–८ को तिल्केनीबाट छुट्टिएर इलाम नगरपालिका–१० गोदकस्थित सिलपुरमा मेची राजमार्गसँग जोडिन्छ।

तपाइको प्रतिक्रिया
(Visited 24 times, 1 visits today)

सम्बन्धित समाचार

विराटनगर जुट मिल पुनः सञ्चालनका लागि अध्ययन कार्यदल गठन निर्माण व्यवसायी महासंघ कर्णालीको अध्यक्षमा बम निर्वाचित ७ करोड २५ लाख बाँड्ने सरकारको निर्णय गैरकानुनी ! राष्ट्रपतिबाट खोसिँदै कैद माफीको अधिकार गोसाइँकुण्डमा जनैपूर्णिमा मेलाको तयारी लामो समयदेखि पुल नबन्दा जोखिम बढ्दै भोजपुरको फत्तेपुर दोभानमा बेलिब्रिज निर्माण हुँदै बेनी–जोमसोम–कोरला सडक : हालसम्म आठ अर्ब ९६ करोड खर्च

epaper

प्रमुख

ताजा समाचार

मृत्यु भएका मतदाताको विवरण अद्यावधिक गर्न आयोगको आग्रह
मकवानपुर । मकवानपुर जिल्लाको भीमफेदी गाउपालिका ६ जुरीखेत भिरबाट स्कारपियो खस्दा ६ जना घाइते भएका छन् ।जसमा एकै परिवारका ४ जना रहेका छन् । काठमाण्डौबाट बिरगंज तर्फ आउदै गरेको उच्च ...
काठमाडौं । नेकपा एमाले र नेपाली कम्युनिष्ट पार्टीबीच् प्देशमा नयाँ सत्तासमीकरण गर्ने सहमति भएसँगै बागमती प्रदेशमा नयाँ सरकार गठनको प्रक्रिया सुरु भएको छ । बागमतीमा नयाँ सरकार गठनको आह्वान, कोशीमा ...
काठमाडौं । हाल देशभर मनसुनी वायुको प्रभाव रहेको छ । मनसुनको न्यून चापीय रेखा पूर्वतर्फ सरदर स्थानको आसपास तथा पश्चिमतर्फ सरदर स्थानभन्दा उत्तर नेपालको नजिक रहेको छ । जल तथा ...
काठमाडौँ । प्रतिनिधि सभाको आगामी भदौ १० गतेको बैठकमा प्रधानमन्त्रीसँग प्रत्यक्ष प्रश्नोत्तर कार्यक्रम हुने भएको छ । प्रतिनिधि सभा नियमावली, २०८३ को परिच्छेद ९ मा रहेको व्यवस्था बमोजिम उक्त दिनको ...
काठमाडौं । नेकपा संयोजक पुष्पकमल दाहाल (प्रचण्ड) का ज्वाइँ जीवन आचार्यले कोशी मन्त्रिपरिषद्मा ह्याट्रिक गरेका छन् । प्रचण्डपुत्री गंगा दाहालकी श्रीमान् आचार्यलाई भौतिक पूर्वाधार विकास मन्त्रालयको तेस्रो पटक जिम्मेवारी दिइएको ...