काठमाडौं । अपाङ्गता अधिकार, मानव अधिकार तथा अन्तर्राष्ट्रिय कानुन’bout कानुनका विद्यार्थीलाई व्यावहारिक ज्ञान र अदालती बहसको अनुभव दिने उद्देश्यले दोस्रो राष्ट्रिय अपाङ्गता अधिकारसम्बन्धी मूट कोर्ट प्रतियोगिता काठमाडौंमा सुरु भएको छ ।

नेपाल ल क्याम्पस र नेपाल अपाङ्ग महिला संघको संयुक्त आयोजनामा सुरु भएको प्रतियोगितामा अपाङ्गता भएका व्यक्तिको न्यायमा पहुँच, पहुँचयुक्तता र विभेदका विषयमा विद्यार्थीले बहस गर्नेछन्।

उद्घाटन कार्यक्रममा वक्ताहरूले कानुन शिक्षण संस्था तथा न्याय प्रणालीलाई अपाङ्गतामैत्री र समावेशी बनाउनुपर्नेमा जोड दिए । त्रिभुवन विश्वविद्यालयका कानुन संकायका डीन प्रा. डा. डी. एन. पराजुलीले शिक्षण, पाठ्यक्रम र परीक्षा प्रणालीलाई अपाङ्गतामैत्री बनाउनुपर्ने बताए।

प्रतियोगिताको प्रारम्भिक चरण र सेमिफाइनल भदौ १८ र १९ गते नेपाल ल क्याम्पसमा हुनेछ भने फाइनल भदौ २० गते नेपाल प्रहरी क्लबमा आयोजना हुने आयोजकले जनाएको छ।

सम्बन्धित समाचार

लगानी बोर्डको सीईओमा यांकी उक्याब नियुक्त प्रदेश सरकारमा सहभागिताका विषयमा आवश्यक निर्णय लिने जिम्मा लिङ्देनलाई धनुषा जिल्ला अदालतद्वारा पाँच हजार २१६ मुद्दा फर्स्योट चार प्रादेशिक अस्पताललाई शिक्षण अस्पतालका रुपमा प्रयोग गर्न स्वीकृति विदेशी उपाधिको समकक्षता सेवा अब यूजीसीमार्फत, तीन हजारभन्दा बढी प्रयोगकर्ता दर्ता गायक थानेश्वरको स्वरमा आयो ‘लज्जावती’ को मर्मस्पर्शी गीत