काठमाडौं । गायक मोतिराज खनाल र गायिका रेखा पोख्रेलको स्वरमा रहेको नयाँ तीजगीत ‘कम्मरु भाँचम्ला’ लोकप्रिय सांगीतिक कार्यक्रम ‘इन्द्रेणी’मा विशेष समारोहबीच सार्वजनिक गरिएको छ। गीतमा गायक बैकुण्ठ महतको समेत स्वर रहेको छ।

श्रावण २५ गते आयोजित कार्यक्रममा नेपाल चलचित्र कलाकार संघका अध्यक्ष तथा वरिष्ठ कलाकार उत्तम केसीले गीतको औपचारिक विमोचन गरेका थिए। कार्यक्रममा ‘इन्द्रेणी’का अध्यक्ष कृष्ण कँडेलसहित कलाकार, सञ्चारकर्मी तथा शुभेच्छुकहरूको उपस्थिति थियो।

मोतिराज खनाल र किरण पन्थीको शब्द तथा मोतिराज खनालकै संगीत रहेको गीतको संगीत संयोजन लक्षु प्रकाश मल्लले गरेका छन्। शिवाजी क्षेत्रीको निर्देशन तथा कोरियोग्राफीमा तयार भिडियोमा भुवन के। पोखरेल, जुना कार्की, भगवान् भण्डारी र रेणुका बराललगायतको अभिनय तथा नृत्य रहेको छ।

तीजमा श्रीमती माइत जाने प्रसंग, श्रीमान्–श्रीमतीबीचको रमाइलो सम्बन्ध र बाबुआमाको माया तथा चेली–माइतीको आत्मीयतालाई गीतको भिडियोमा प्रस्तुत गरिएको छ। मौलिक तीजको भावसँगै मनोरञ्जन र नृत्यलाई जोडिएको ‘कम्मरु भाँचम्ला’ गायक मोतिराज खनालको आधिकारिक युट्युब च्यानलमार्फत सार्वजनिक गरिएको छ।

सम्बन्धित समाचार

ऐतिहासिक फिल्म ‘आमा’ को विशेष प्रदर्शन ‘रोड टु एभरेस्ट’ वृत्तचित्रको फर्स्ट लुक पोस्टर र अफिसियल टिजर सार्वजनिक रमिला खुमनको तीजगीत ‘जम्छ माया विस्तारै’ सार्वजनिक बलिउड अभिनेत्री पूजा चोपडाद्वारा पशुपतिनाथको दर्शन डा. रणजितकुमार झाको नयाँ गीत ‘न गाँस्थे म प्रित’ सार्वजनिक खाद्य प्रणाली रुपान्तरण रणनीतिक योजनाको विवरण संकलन गर्न स्थानीय तहसँग समन्वय गरिने सान्फ्रासिस्को महावाणिज्यदूतावासबाट भदौ १५ सम्म मात्र सेवा प्रवाह हुने दुई वर्षमा पनि सकिएन दुई किलोमिटर सडकको काम