काठमाडौं । भोटेकोशी बाढीको इपिसेन्टर बनेको गोसाईंकुण्ड गाउँपालिकाका उपाध्यक्ष र एकजना वडाध्यक्ष पनि सम्पर्कविहीन भएका छन् । उपाध्यक्ष प्रतिमा तामाङ र ५ नम्बर वडाका वडाध्यक्ष दावा मिङ्मार तामाङ बिहान बाढीलगत्तै सम्पर्कविहीन भएका हुन् ।

दुवै जनाको फोन सम्पर्कविहीन हुँदै अहिले आएर स्वीच अफ भएको अध्यक्ष कैसाङ नुर्पुले तामाङले जानकारी दिए । उपाध्यक्ष तामाङ पनि वडा नम्बर ५ स्याफ्रुबेसीकी निवासी हुन् ।

गाउँपालिका अध्यक्ष तामाङले हराएका जनताको संख्या टिप्न आफूले र कर्मचारीले नभ्याएको जानकारी गराएका छन् । गाउँपालिका अन्तर्गत वडा नम्बर २ र ५ का तटीय क्षेत्रका सयौं बासिन्दा बेपत्ता रहेको समेत बताएका छन् ।

वडा नम्बर २ रसुवागढी टिमुरे क्षेत्र हो । बाढीले गाउँपालिका भवन पनि बगाएको र तटीय क्षेत्रका कुनै पनि घर बाँकी नरहेको पनि उनले बताए । आफू केही बोल्न नसक्ने अवस्थामा रहेको र मानवीय तथा भौतिक क्षति यो युगले पूर्ति गर्न नसकिने अकल्पनीय रहेको उनले बताए ।

सम्बन्धित समाचार

किशोर श्रेष्ठ पक्राउप्रति विरोध सामाजिक परीक्षणमा एफडब्लुएलडीको प्रशंसा सफ्टवेयर विकास तथा सञ्चालन केन्द्र स्थापना हुने बागमतीमा मन्त्रालय गाभिएपछि प्रदेश सचिवको क्षेत्रगत जिम्मेवारी तोकियो संविधान र सर्बोच्चको आदेशविपरित फोहोरमा बलजफ्ती बागमतीका मुख्यमन्त्री किरण थापा मगरले भोलि विश्वासको मत लिँदै, मत दिन नेकपाद्वारा ह्विप जारी बाल शल्यचिकित्सकबीच अन्तरक्रिया निर्मल पुर्जाको आज अन्त्यष्टि गरिँदै, गोप्य राखिएको थियो पार्थिव शरिर