काठमाडौं । नेकपा एमालेका अध्यक्ष केपी शर्मा ओलीले वर्तमान सरकारको कदम प्रतिगामी र स्वतन्त्रता विरोधी भएको बताउँदै धेरै लामो समय नटिक्ने बताएका छन् । एमाले स्वतन्त्रताका निम्ति लड्दै आएको पार्टी भएकाले अझै पनि त्यसका लागि सङ्घर्ष नछाड्ने ओलीको भनाइ छ ।

आइतबार एमाले पार्टी कार्यालयमा छापा माध्यमका पत्रकारको ज्ञापन पत्र बुझ्ने कार्यक्रमलाई सम्बोधन गर्दै अध्यक्ष ओलीले स्वतन्त्रताको लडाई अझै नसकिएको भन्दै त्यसको परास्त गर्न लागिरहनु पर्नेमा जोड दिए ।

‘हाम्रो पार्टी स्वतन्त्रताका निम्ति लड्दै आएको हो’, अध्यक्ष ओलीले भने, ‘हाम्रो सङ्घर्ष कहिले कहिले धिमा गतिमा चलेको होला, एकछिन अधिनायकवादले रोकेको होला । अहिले फेरि रोक्ने कोसिस भइरहेको छ ।’ ओलीले अबको प्रतिगामी र स्वतन्त्रता विरोधी कदम लामो समयका लागि टिक्न नसक्ने भन्दै राणा र शाही शासनको उदाहरण दिए । ‘अबका प्रतिगामी, स्वतन्त्रता विरोधी र संकिर्णतावादी कदमहरू लामो समयका लागि हुनै सक्दैनन्’, ओलीको भनाइ छ ।

सम्बन्धित समाचार

सांसद आशिका तामाङ र वडाध्यक्षबीच किन भयो भनाभन ? सुरुङ उद्धारमा भएको ढिलाइ गम्भीर र अमानवीय: काँग्रेस नेता आङ्देम्बे सरकार टिकाउन मुख्यमन्त्रीले बनाए देवकोटालाई ऊर्जा मन्त्री प्रधानमन्त्री शाह असोज ६ गते अमेरिका जाने आज ‘जेन्जी’ शहीद दिवस : सार्वजनिक विदा कांग्रेसको वडा अधिवेशन कार्यतालिका परिवर्तन ३ सातामै सुदूरपश्चिम प्रदेशका मुख्यमन्त्री हटाउन चलखेल सरकारले संविधानको मर्ममाथि प्रहार गरिरहेको छः अमरेशकुमार सिंह