काठमाडौँ । ई स्पोर्ट्स संघ नेपाल (ईशान)ले वार्षिक ईभेन्ट क्यालेन्डर सार्वजनिक गरेको छ । राष्ट्रिय तथा अन्तराष्ट्रिय कार्यक्रमलाई समावेश गर्दै ईशानले वार्षिक ईभेन्ट क्यालेन्डर सार्वजनिक गरेको हो ।

आइतबार सार्वजनिक गरिएको कार्यक्रममा लिग ढाँचाको नेपाल ई स्पोर्ट्स लिगको घोषणा गरिएको छ । करिब तीन महिना चल्ने लिग समय तालिका राखेर संघले ई स्पोर्ट्सको लिग प्रतियोगिताको घोषणा गरेको हो ।

यस्तै पब्जी मोबाईल ग्लोबल ओपन साउथ एसियन च्याम्पियनसिप भदौ ३१ गतेदेखि असोज ३ गतेसम्म सञ्चालन हुने तालिकामा दशौं राष्ट्रिय खेलकुदलाई समेत ई स्पोर्ट्सको क्यालेन्डरमा समावेश गरिएको छ । राष्ट्रिय खेलकुद प्रतियोगितामा पहिलो पटक ई स्पोर्ट्स खेललाई आधिकारिक खेलको रुपमा समावेश गरिएको छ ।

यस्तै पुसमा ईन्टर कलेज च्याम्पियनसिप र माघदेखि चैतसम्म नेपाल ई स्पोर्ट्स लिगको समय तालिका राखिएको छ । संघका सचिव आशिष दाहालले वर्षभरी ई स्पोर्ट्स गतिविधिलाई सञ्चालन गर्ने उद्देश्यका साथ क्यालेन्डर समावेश गरिएको बताए ।

‘नेपालको ई स्पोर्ट्सलाई व्यवसायिक र व्यवस्थित बनाउने उद्धेश्य सहित लिग संरचनाको प्रतियोगिता घोषणा गरेका छौं । यसले नेपालको ई स्पोर्ट्समा नयाँ आयाम थप्ने विश्वास संघले लिएको छ ।’ सचिव दाहालले भने ।

सम्बन्धित समाचार

एसीसी प्रिमियर कप: नेपालले आज बहराइनको सामना गर्दै बहराइनले दियो नेपाललाई ८८ रनको सामान्य लक्ष्य मेस्सीद्वारा अन्तर्राष्ट्रिय फुटबलबाट सन्न्यास लिने घोषणा ताप्लेजुङ गोल्डकपः फिदिम स्पोर्टिङ क्लव फाइनलमा नेपाल ‘ए’ ‘टस’ जितेर न्युजिल्यान्ड विरुद्ध ‘ब्याटिङ’ गर्दै एनभीएल : काठमाडौं र कर्णाली फाइनलका लागि भिड्दै ट्रेलमाण्डुको आयोजनामा शनिबार ‘फ्लड रिलिफ १०के ट्रेल रन’ बागमती प्रदेशका मुख्यमन्त्रीद्वारा चेस ओलम्पियाड टोलीको बिदाई